一湊二,命仔都短幾年

話說, 最近鴻仔非常咁忙碌

夾埋湊仔, 日做16個鐘

真係苦了鴻仔呢....

除左鴻仔辛苦之外

其實, 呢段日子以來, 我都一樣咁辛苦哦

因為..... 鴻仔番工時間太長太多啦....完全打亂了我們家的正常運作....

而家, 每朝鴻仔除左幫拖, 替我湊哥哥出去番學之外

其餘時間, 都係我一個打兩個

有時, 我0係度諗..... 
其實想當初, 我係咪唔應該堅持要送哥哥出港島區番學呢!!!

好似而家咁, 日日湊仔番學放學, 來來回回

辛苦了爸爸, 辛苦了哥哥

辛苦了細佬, 再辛苦埋我自己

都真係不知所為何事!!!!!

不過......既然路已經選擇了.....

就應該努力咁繼續行落去

回頭望.....亦冇意思....

我要加油加油呀..... 鴻仔, 真係辛苦你啦.....

好, 去相

睇下我地呢排0既生活實錄啦

話說, 朝朝鴻仔帶仔朗朗之後, 

我就要看住呢條魚

鴻仔成日都以為我湊魚生活好悠閒

查實, 佢地出左門口之後, 我就要開始清潔, 煲粥.....一直忙不完

到時到候, 就要帶住頑皮細佬豬坐船出碼頭接哥哥

 其實湊細佬出去時, 應付一個, 都OK 0既

細佬頂多坐唔定, 周圍掘亂, 推起又推落張椅子0者

(實呈, 佢日日咁推法, 我覺得佢好快會俾人投訴0架喇, 哈哈)

雖然只係湊一個, 但都幾勞氣

因為, 佢永遠都唔會靜靜咁坐低

一係大叫, 一係擒高擒低......暈

終於, 好不容易才去到校巴站

細佬好認得哥哥架校車0架, 次次車未到, 就會指手劃腳命我接哥哥0架喇

唉..... 哥哥日日一落車指定動作就係扭肚餓......

急不及待, 打開食物盒

今日煲左紅蘿蔔三文魚粥

個樣都幾衰0架, 不過好采阿哥都肯食

一對手餵兩隻仔

結果, 餵得阿哥, 就細佬狂叫

餵到細佬, 就輪到哥哥狂喊

都唔明佢地係咪咁肚餓, 係咪啱啱經歷完饑荒!!!!

終於食飽飽, 唔再大喊, 但就開始四圍跑

戲肉黎啦, 冇食物0既支援

我要同兩隻仔埋身肉博鳥

一上到船, 兩隻仔開始失控

細佬哥哥齊齊擒高擒低唔坐定

強國細佬仲要一個人仔霸住兩個位

咁危險, 個衰仔仲要0係度偷笑......

佢地真係堅冇停過0架

成程船都保持高度活躍狀態

幾難先可以令佢地唔再企0係椅子上, 點知, 哥哥就大叫起黎......

其實架船好靜0架, 佢地細細聲講野, 已經好嘈架啦.......

哥哥仲要大叫......你話幾令人尷尬!!!!

坐呢程船, 其實我覺得真係好辛苦0架

又要控制佢地0既情緒, 提佢地安靜, 又要唔俾佢地擒高擒低, 

你話, 係幾有難度呢......

有時, 時運低, 兩個一齊扭計, 我真係好暈0架

今日呢兩兄弟叫做好幫到手啦

起碼冇乜扭過計, 亦都守過下行為

臨尾, 哥哥仲心情大好, 話要影下淫照俾大家開心下添喎!!!

YEAH, 終於無風無浪, 到逹終點

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!