坪洲樂

最近潮流興去坪洲

隔左個星期之嘛, 我地又去喇....heheeeee

本來, 我係想去大埔睇火車博物館0架

不過, 我地個爸爸, 又再惶恐症發作

一時又驚細佬發狂, 一時又怕阿哥變喪

總之, 次次我話去遠小小咋

佢就會怕晒心口, 大叫怕怕

幾十歲人, 船頭驚魚, 船尾驚朗....真係好鬼冇用0架....

不過算喇

反正, 去坪洲, 我地亦可以玩到不亦樂乎

小朋友, 簡簡單單周圍亂跑, 都已經好開心

去邊度, 又有乜所謂呢.....

好, 去相

哈, 平日去坪洲0既人唔多, 我地又包船喇

細佬豬坐船, 愈座愈定, 叻叻!!!

到逹現場, 周圍走走+吃飯

今次除左租單車之外

仲買左個風箏

第一次玩風箏0既細佬 + 第二次玩風箏0既哥哥

這小小的風箏, 對佢地黎講, 絕對係大大的快樂

大家跑跑跳跳

怒火狂跑

一路都好希望風箏可以飛起黎

然而, 今日風都冇滴

加上, 查實我並唔係好識放風箏, heheeee

結果, 攪左好耐

我地仲係原地踏步

玩左大半日, 仲係無功而還

雖然, 風箏並沒有飛起來

但係, 佢地仲係玩得好開心

哈, 小朋友0既世界就係咁簡單

不在乎風箏有否飛起黎, 只在乎有得玩, 有得跑, 呵呵

熱都冇有怕

玩完風箏, 再戰單車

哥哥玩到鞋都除埋

儍豬細佬驚死哥哥會唔見左對鞋, 一路都替佢挽鞋

呵, 今日哥哥大成功, 終於都學懂左踩4碌單車啦, yeah

哥哥爸爸共享單車樂

細佬就被受冷落

一路都追住爸爸哥哥

索晒大氣, 仲帶點怒火

玩到攰0既兩父子, 齊齊訓街, 以作休息

對住個海訓街, 說實的, 真的好消遙哦......

趁哥哥休息, 細佬出動了

好景不常, 哥哥轉個頭又話要搶番部車

臨尾, 仲同細佬講: 呢部車我0架, 你玩住爸爸架車先啦.....

都唔明點解細佬真係會聽佢講, 走開左去爸爸部單車度

真係俾佢地兩個笑死.....

爸爸連放左兩日假, 準備又要番好多日工先有得休息啦

爸爸, 加油呀

我地期待下次0既家庭樂0架 :)

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!