Gill 家的2014

Happy New year!!!

時間真係過得好快.....

轉眼間2014年, 已經離我地而去啦.....

回顧呢年, 感恩感恩

感恩自己一直都生活得尚算唔錯

整體上, 並沒有太大起落

雖然, 生活平淡如水, 沒有驚喜

但係, 平淡是福嘛......
我覺得咁樣0既一年, 已經係好幸福, 好唔錯喇......

2015年
呢一年將會係好艱難0既一年
兩兄弟將會0係唔同0既地區番學
接湊上0既問題, 仍然未能解開
然後, 哥哥又準備派小學啦....
好多野, 都係未知之數.....
心情有點忐忑, 有點不安......
唔能夠預計將來0既事....唔知道將來是福是禍......
唯有叫自己輕鬆0的, 平常心面對....
2015年, 我要加油哦!!!!

好, 去相

2014年GILL家大事回顧

2014年1月
哥哥真係大得快
好似啱啱先同佢賀完生日冇耐
今年, 話咁快, 又大一歲啦
佢真係不得不認老啦, 哈哈.....

2014年一月

我地第一次約埋國王家, 儍夫婦一家去街街

呢一年間,  三家人經常結伴外遊, 成為要好0既朋友

哈, 真係冇諗過, 寫blog會寫出友誼來!!!!

二月-新年期間
我地舉家去台灣環島遊
嘩, 呢獲野.....真係諗起都覺得辛苦....
細佬發燒狂嘔, 失控喪喊
我又咁啱忘記左帶平安藥.....
幸好, 細佬佢, 只係病發左三日, 就不藥而癒
感恩感恩

雖然整個旅程有0的辛苦

但見到超可愛0既草泥馬, 真係好開心哦......

哈, 好懷年舊年呢個台灣之旅.....

2014年情人節, 雖然並沒有華麗0既晚飯, 亦沒有動人0既禮物
但係, 有呢三個男朋友同我一齊渡過
已經讓我感到無比0既幸福啦......

2月另一件讓我地好開心0既事
就係我們家0既社區中心, 免費帶我地去機場童夢城玩
哥哥終於化身成為Mr. Cool啦.....

最衰當時細佬年少無知

有得去, 但就冇得參予

如果唔係, 一定會仲開心0的0者

3月....
咪睇我笑得冷開心, 其實我最憎就係過生日架喇
又老了一歲.........

3月除左係我生日之外

仲係朗朗個超級老友記-以恒生日

一直都好欣賞以恒家0既簡樸, 同佢地相處真係好舒服

願望朗朗同以恒, 魚仔同以立能夠共同成長

一直 keep 住呢份情誼.....

4月---細佬豬兩歲生日

雖然我自己黎講, 就好唔鐘意過生日

但係, 過阿仔佢地生日, 就總係滿心期待

睇住佢地成長, 一日一日長大, 一日一日進步

做媽媽, 真係覺得好開心

 4月國王家, 儍夫婦一家到訪我們家
雨中 club house 野餐
真係諗起都覺得攪笑

5月

夠兩歲0既細佬豬大個仔喇

終於開始佢番學0既旅程

唔經唔覺, 細佬番學已經大半年啦

哈, 但係時至今日, 細佬仲係喊住番學....真係奈佢唔何...

2014年0既母親節

當時, 仲係得三位母親

如今, 連二嬸都成為媽媽啦....

黎梗今年, 3代母親賀母親節

一定更更更熱鬧呢.....

2014年, 唔少親友都生b
恭喜 Crystal 成為第二任媽媽
哈佬, 肥捷, 你真係愈大愈似媽媽哦.....

6月

好開心自己能跳出陰霾

終於的起心肝, 帶兩隻仔外出啦

自從有左細佬豬之後, 我地真係成日屈在家中

過住宅男宅女0既生活

哈, 呢次同以恒媽媽, 兩個大人湊4個小朋友去昂坪360

開心開心

以一敵二, 帶完兩隻仔遊完360, 冇耐, 我地再游龍舟水

 6月

真係好想問, 第4年渡過父親節0既鴻仔

你幾時先會愛上阿仔佢地呀????

6月30日

哥哥一日趕兩場

朝早上學, 下午上機

展開暑假第一擊

呢個 Legoland 之旅真係神級開心, 極地好玩
等佢地兩隻野再大0的, 希望有機會, 可以再去多次啦.....

呢次新加坡, 馬來西亞之旅
好開心, 可以同我親愛0既母親出發
媽媽開始老啦.....趁佢腳仔仲行得走得
真係想多0的陪佢去下玩.....

今年呢個七, 八月, 真係玩得好過份

我地每日行程都好緊湊

去過大澳, 去過南丫島, 去過澳門, 好多好多地方

哥哥仲去過好多朋友屋企 sleep over

去過沙律家, 以恒家, Max 家, 表哥家, 婆婆家

生活精彩到不得不得了

亦因為哥哥去左 sleep over

多左同細佬獨處

呢一年0既澳門之旅
一家人齊齊整整
開心開心

澳門滑草場, 太好玩啦.....

8月

第一次同小朋友 camping

熱爆辛苦餵蚊之旅

雖然呢次camping係咁艱辛
但係回想起黎, 卻覺得整個歷程好有趣, 好好玩

9月

哥哥升上了K2

感覺, 真係大個仔左好多

鼓掌鼓掌
今年九月, 我地妹妹出世啦......
周家又添一員
願妹妹幸福快地成長

九月有喜亦有悲

佔中..... 嚴重影響我們家.....

對鴻仔0既工作尤其受影響....

從未見過香港咁混亂架

作為香港人, 真係感到有點心痛

願2015年, 香港和平安定

10月
妹妹滿月啦
個樣都唔同晒......好可愛哦......

10月我們家最喜慶0既節目
莫過於哈佬喂

呢一次攞番黎0既糖

OMG....時至今日都仲未食得完.......

11月

Kaylie生日會

呢一兩年, Kaylie 同學學真係見得少之又少

雖然係咁, 但係每次聚會, 慶幸佢地都仲能夠玩得顛喪

心裡面, 仲係覺得好難得......

今年國泰 fanfares 沒有推出$50特價機票.....

冇得去旅行賀相識紀念日

哈, 鴻仔.....其實同你一齊, 去邊都一樣

踩單車已經足夠讓我好開心啦......

11月

我們家又創出另一壯舉

就係一家四小口, 由中環行山上太平山頂

諗起都覺得自己好堅......

不過, 講到堅, 點及得鴻仔呢....

佢一直都連人帶車, 捧住40磅0既細佬, 走上山頂

呢次旅程, 冇左你真係唔多掂擋.....你係得0既!!!

今年12月

第二次同阿仔佢地camping

今次舒服好多啦

起碼食得訓得

最衰遇上壞天氣啦, 如果唔係, 實仲開心0的0者

今年聖誕, 節目一籮籮

同妹妹去街街, 又開下party

真係快樂又happy哦......

再一次多謝我兩位知己

有你地0既聖誕, 我真的覺得自己太幸福啦.....

(我對住自己0的朋友, 總係咁肉麻.....)

一年最美好的終結

就係見證住阿膠結婚

終於抱得美人歸啦

願你地幸福, 快快生b, yeah!!!!

哈, 睇番0的相
其實, 2014年都幾精彩喎.....
唔知 2015年, 又會係點架呢....
懷住期待0既心情, 努力挑戰2015
大家加油加油呀!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!