魚魚朗朗整cupcake --- 海港城『羊咩咩Cupcake裝飾班』

多謝海港城0既邀請

0係啱啱過去0既星期六

我們家出席了海港城與「香港血癌基金」聯辦聖誕0既籌款活動

活動以英國動畫「Shaun the Sheep」為主題

特設『羊咩咩Cupcake裝飾班』及『咩咩咩黏土相夾班』

藉此, 希望大眾除左能夠感受濃濃0既聖誔氣氛之餘

同時, 亦能為慈善出一分力 

好, 去相

其實我真係好鐘意聖誕節架

總覺得這個日子充充滿滿著愛

來到這個充滿愛0既節日

特別要感恩, 感恩自己一直活在被愛之中

一直有好愛我0既父母, 好愛我0既朋友, 亦有好愛我0既丈夫同孩子

我, 其實並唔係一個咁好0既人

未有小朋友之前

我見到小朋友已經想嘔, 個人超冇愛心

做善事嘛, 唔該....唔好預我......

但有左佢地兩個之後

整個人都變啦....

現在0既我.....

真的好希望.....世界每一個人, 都能夠感受到愛......

亦好希望, 憑住自己0既力量, 可以幫助到有需要0既人

幸運的

雖然, 我只不過係一個平凡到, 不能再平凡的師拉仔

但係, 就能夠透過寫blog, 在這個網絡世界分享愛

間中亦可以幫忙推廣一些慈善活動

說實的, 能夠幫到人, 我真的覺得好實在......

好, 先介紹一下今次海港城0既活動

由即日起至2015年1月4日

港威商場同海運大廈分別築起各具特色、充滿濃厚聖誕氣氛0既場景

而海運大廈地下0既兒童專區則化身成主角Shaun家中的溫馨場景

大家除 左可以到場內拍照外

仲可以捐款 $150（所有收益將撥捐「香港血癌基金」)

黎參加羊咩咩Cupcake裝飾班

好, 再去相

睇睇兩兄弟齊齊造cupcake

一黎到, 大會已經準備好0的材料俾我地啦......yeah!!!

之前同朗朗一齊整過野食

發覺佢對呢方面都幾有興趣

哈, 睇佢幾留心聽講........

聽完導師講解, 係時候動動手, 整整小cupcake

hehee......仲係第一次同細佬整餅

原來佢都幾鐘意玩煮飯仔架喎

雖然間中會偷食棉花糖

但係, 製作都尚算幾認真

另一邊窗, 哥哥又搞成點呢????

哈, 估唔到今次0係我零協助底下

佢都整得有板有眼

雖然整出黎奇形怪狀, 冇導師姐姐整得咁靚

但係, 勉強都睇得出係隻羊咩咩!!!!

請替gill 仔熱烈鼓掌!!!!

哥哥都終於完成啦, yeah!!!!

為食豬細佬即整即食

嘩, 好恐怖, 好嚇人

一口噬落羊咩咩個頭度.....

然後, 連頭帶羊咁生吞落肚, 呢個細佬真夠兇殘!!!!!

卜一聲

將整個 cupcake 移為平地

查實, 哥哥都唔好得去邊

食相勁嚇人.......

認真趕客.........

再一次多謝海港城0既邀請

呢個節目, 實在啱晒我地一家大細哦

兩兄弟都玩得好開心.....

哈, 能夠幫到人, 又玩得咁開心

希望大家都大力支持啦!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!