第十屆兒童愛心馬拉松-篇

YEAH, YEAH, YEAH......

0係上星期日, 朗朗, 魚魚同我齊齊出席左第十屆兒童愛心馬拉松0既訓練日

哈, 真係開心呀.....終於都可以出黎跑跑跳跳啦.....

我地呢0的都市人, 平時日日都番學放學宅0係屋企

得閒無事, 都唔會去做下運動

今次有幸獲得麥當勞0既邀請

我地邊做運動, 邊做善事, 真係太太太太太好啦!!!!

好, 去相

哈, 我地呢一日遲左小小

去到已經人頭湧湧啦!!!!!

多謝大會送俾我地0既型仔Tee

係我最鐘意0既紅色!!!! 

不過細佬呢位小矮人, 衫長襪又長,

實呈, 有0的衣不稱身

除左件 tee, 仲有朗朗手持0既呢一對紅白條紋愛心襪

哈, 可以同麥當勞著情侶襪, 朗朗超級勁爆咁開心

今次呢個馬拉松訓練日, 竟然見到我0既偶像-大鼻........真係開心死我呀.......

哈, 仲差小小忍唔住要問大鼻索取親筆簽名相添呀......

除左我見到我0既偶像

朗朗同魚仔都見到佢地0既偶像呢....

能夠同麥當勞叔叔近距離接觸

開心開心

真係感覺好夢幻呀...........

終於等到大頭妹0既出現啦, yeah!!!!!

過左無耐, 終於黎料

一齊跑跑跳跳玩遊戲

然後, 香港半馬拉松紀錄保持者兼長跑教練陳家豪教導小朋友做熱身運動

哈, 有姿勢, 又有實際

其實朗朗有時會陪爸爸落街跑步

唔知係咪跟得爸爸多, 學識左做熱身呢????

竟然有板有眼!!!!!

成個運動健將咁, 勁!!!!!

細佬呢日似乎不在狀態

一直都好扭我...... 

(鬼咩, 條友仔唔肯午睡, 邊會心情大靚呢........)

叫細佬豬去跑, 佢又唔肯去, 仲一直都痴住我........

幸好, 哥哥自得其樂, 

冇我陪玩, 佢都能夠玩得巧開心0者.......

教練陳家豪好有耐性, 一直都認真的教導小朋友正確0既跑步姿態

跑左足足大一個下午, 大家都超攰.......

玩完仲有得玩.........

麥當勞當日0係天瑞廣場安排左一0的攤位遊戲

嘩, 真係不得了

呢架靚車玩到兩兄弟直情唔願走人

玩左一整日, happy 到飛起........

最後, 想呼籲大家黎梗1月31日, 一齊黎參加「第十屆兒童愛心馬拉松」

希望大家透過運動, 為「麥當勞叔叔之家慈善基金®」籌款

讓更多長期病患兒童及其家人受惠

做運動時, 亦可以幫到有需要0既人, 何樂而不為呢!!!!

再再再提一提大家, 其實而家已經開始左報名啦

有興趣0既朋友, 可以去麥當勞0既網址download表格

或者親身到任何一間麥當勞索取, 即場報名

希望, 到時可以見到你地啦!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!