唔經唔覺, 朗朗已經0係 Jolly Kingdom 上左兩個月 phonics啦!!!
兩個月以黎, 一直都係婆婆負責帶朗朗去上堂的
其實, 有時都好想親自湊哥哥過去, 睇下佢上堂0既情況
可惜, 佢上堂0既時間, 又同細佬放學時間有小小撞
趁住假期0既今日, 終於可以送哥哥去上堂啦, yeah!!!!
今次, 終於可以見到朗朗時常提到0既Ms. Queenie
朗朗一直都好鐘意老師
又話老師請佢食糖, 又話老師送貼紙俾佢
日日都提住佢, 讚佢, 仲話掛住佢添.....
哈.....真係聞名不如見面....
現場所見
老師真係好有愛心, 好有耐性
仲好識逗小朋友開心添
難怪老師能夠成為小朋友心目中0既女神啦, 哈哈!!!
哈, 今次我偷睇左哥哥上堂0既情況
原來佢都ok 喎, 上堂冇我想像中咁遊魂
而且都叫ok專心添!!!!
真係老懷安慰呀!!!!
上左兩個月, 哥哥進度都ok
0的音已經記得晒
有時, 我會問佢知唔知 car, 係乜野字母開始先架???
又不時俾唔同0既字去抽問佢
見佢又ok 喎, 能夠分辨到晒
咁我心裡面都覺得幾開心
讀左真係唔係好耐, 感覺已經有小小成果
希望不久0既將來, 哥哥真係能夠自己閱讀啦......
哥哥加油呀!!!!!
沒有留言:
發佈留言