相識8年

我係鴻仔!

8年啦,....

我就咁奉獻左男人最黃金的8年比GILL仔, 

所有青春都比晒佢啦, 

所以呢.....GILL仔一定要好好珍惜我啊!!!

而今日, 

我地要重温拍拖樂!!!

早幾日, 

gill仔就問我"喂, 過幾日係相識紀念日, 我地去邊好?"

我"去邊都好啦! 你想去邊我都陪你架!!!" {其實我心諗8年啦, 上天下海都去過, 仲可以去邊}

GILL"咁不如踩單車!!!"

我"多麼老士的, 咁都比你諗到! 會唔會太有益身心呢!"

GILL"我好耐無踩過啦!!!"

我"呢個年代, 仲興拍拖踩單車架咩!!! 你諗清楚, 超級過時的活動啊"

去到大圍, 望一望以前租單車嗰塊爛地, 

再昂首一望, 

咁始終高樓大廈點都值錢過租單車好多, 

中學生年代, 每次去踩單車都要例必喺大圍火車站大快活食早餐, 

再望一望又變成左hsbc!!!

而租單車舖已經寥寥可數了!!!!

要玩一齊玩, 要out一齊out, 

我地出發啦

呢位大嬸體力不繼推車中.............

大家可以睇下佢個樣, 推到上氣唔接下氣咁!!!

 GILL仔請放心, 

見你今年安排左一個咁老士的節目比我,

我下年9週年一定會奉還, 

會用心炮製呈獻更老士的節目給gill仔!!!

人生中無非都想有個伴陪自己一齊大笑一齊嘻嘻哈哈一齊無無謂謂,  

大家都好好珍惜自己的另一半!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!