滿月水晶包

總係唔明白, 點解人地0的仔女, 好似總係大得特別快咁0既.....
轉眼間, 我地個小小水晶包, 已經滿月喇......
真係大得巧巧巧快哦.....

睇住水晶包, 就不禁讓我想起初出世0既朗朗喇.....
仲記得, 朗朗出世頭一個月, 晚晚都總係哭哭鬧鬧的
每晚一到 23:00, 就會黎料, 喊過不停
然後, 要我抱住行黎行去, 先肯收聲
當年, 初為人母, 又冇經驗, 哥哥又比較扭計
真係湊得好辛苦下架....

二叔, 二嬸, 呢段日子辛苦你地喇.....
每晚都要捱艱抵夜餵夜奶, 攪到冇覺好訓
早兩日, 仲病埋添!!!!
過多兩, 三個月喇, 水晶包大小小
你地就會有好日子過架喇, 加油加油呀!!!
為人父母, 雖然真係好艱難
但係, 睇住佢地長大, 你會發現, 生育孩子, 是一種福氣, 是一種幸運!!!

好, 去相
水晶包滿月酒


一個月間, 水晶包又唔同左樣喇!!!!
真係女大十八變!!!!
巧可愛, 好靚女性!!!

二嬸,, 你要繼續努力, 加追多兩個仔出黎呀!!!

我地周家開支散葉靠你啦, 哈哈!

水晶包滿月0既呢一日, 真係巧熱鬧!

唔知係咪已經人到中年呢....

以前, 鴻仔同班朋友仔出黎, 個個都單拖赴會

而家, 個個出黎, 都拖兒帶B

不知不覺間, 要生仔0既就生左仔, 未結婚0既, 都快要結婚喇.....

現場所見, 真係超多BB

朗朗, 魚仔仲識左好多新朋友添

國王朗開心賀妹妹

哈, 真係諗都冇諗過

朗朗咁快就做第二任哥哥喇

更加冇諗過, 魚仔會咁鐘意妹妹添

魚仔呢晚一直扭計.........煩.........

恭喜奶奶哦

咁年輕就兒孫滿堂

你真幸福呢.....

妹妹大巡遊

YEAH, 終於遊到我地身邊喇!!!

幾經辛苦, 先能夠同到佢大合照

哈, 又攪笑喎

酒樓咁嘈, 妹妹都能夠訓得咁安靜

妹妹, 你要快高長大, 你要健健康康呀

哥哥們都好期待同你一齊跑跑跳跳呀

我會致力讓你地一齊長大

願你地三兄妹相親相愛, 到大個仍然能夠互相扶持!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!