小學殺到黎!!!!

真係鬆一口氣.....

早兩日, 細佬終於又收到另一個 offer 啦......

感恩感恩......

收到呢間學校0既 offer

對我地黎講, 真係一件不可思議的事

說實的, 細佬考咁多間學校

我覺得, 考得最差, 都算得係呢間

全程冇講過一句說話, 眼神一直迴避老師

考到中段, 仲想飛撲到我懷抱添.....

真係萬萬估唔到, 我地能夠幸運的, 得到一個學位!!!!

有時就係咁

你以為佢考得差, 無厘頭的, 佢又會收

你覺得佢考到好好咩, 佢又會無神神俾個 reject 你

我覺得, 真係好難講.....

所以, 未有 offer 0既小朋友, 你地千萬唔好灰心哦

希望在明天!!!!! 大家都要加油加油, 相信自己0既孩子哦!!!!

講番尋日

尋日, 係小學派位第一階段自行收生收手公布賽果0既大日子

見身邊0的朋友, 真係有喜有悲

明年今日, 我地大概就要面對住同一個遊戲啦

真係覺得一切黎得太快.....

感覺朗朗, 好似番左 pn 冇耐, 估唔到, 咁快, 下年就 K3 啦!!!

說實的, 雖然仲有一年先到我地

但心裡面, 已經有點緊張......已經有點不知所措......

對於選擇邊間小學, 我同鴻仔,  其實已經有一致0既共識

不過呢兩年, 競爭真係好激烈

而且, 好多學校都有超生0既情況

好多好小小0既學校, 即使有20分, 都仲要抽簽決定

所以有 20 分, 已經唔會係穏入啦......

幸好就係, 哥哥0既學校, 有小學 back up!!!!

(而家, 終於都明白, 點解0既人咁鐘意考龍校幼稚園

有小學 back up, 心態真係唔同0的架!)

不過, 說實的, 為左細佬, 我無論點, 都希望哥哥能夠入到津校

到時, 唔駛再頭痕龍B超大競爭0既細佬呀嘛.....

真係慘, 啱啱今年先煩完細佬

下年, 又要為哥哥奔走, 操勞啦......

一切, 都唔擔心得咁多架喇....唯有交俾神......求神帶領.......

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!