籃球小子

真係有好一陣子, 沒有帶過阿仔佢地去打籃球啦!

上星期日, 心血來潮, 突然好想帶佢地去玩下

思前想後, 諗起籃球

於是及時行樂, 話行人, 就行人

哈, 又一個開心星期日

去相

呢日有婆婆同行

哥哥 Halloween 熱情未減

不時仲係要扮鬼扮馬

終於黎到籃球場

哥哥立即生猛晒, yeah!!!

呢0的天氣打籃球, 真係巧舒服

又唔駛曝曬, 又有風吹下.....爽!!!!!!

睇得出細佬豬真係好愛打籃球

一路都玩得好好好開心咁款

拎住個球周圍跑, 周圍跳, 周圍笑

整個球場, 都係兄弟二人0既笑聲

玩玩下, 哥哥情不自禁攬住細佬豬......

真心覺得佢地好錫對方......

做媽媽, 最開心莫過於此.....

仲記得, 有一日, 朗朗同我講

佢最鐘意0既人, 第一係媽媽, 第二係細佬, 第三先係爸爸

爸爸有點不是味兒, 覺得, 點解細佬地位仲高過佢

鬼咩, 除左番學時間外, 細佬對足哥哥全日

佢地兩兄弟, 由朝玩到晚, 又點會唔好感情呢......

哈, 細佬呢位小小運動家, 真係有板有眼

小矮人學人走籃....真勁!!!!!

可惜.......可惜爸爸呢日唔0係度.....

唔能夠同我地一齊享受籃球樂.....

打左一陣

突然, 籃球變成了足球

對佢地黎講, 一樣咁好玩....

雖然, 真係好鬼恨生女

但有時, 仲係覺得, 兩個都係仔的話, 玩起上黎, 都真係會啱 key 0的

見佢地一齊玩車, 一齊扮老師, 一齊打籃球, 唔單止啱key 而且, 仲好啱feel 添呢

呢一日, 玩完坐船番屋企時

發生了一段小插曲.....

回程0既時候, 我同朗朗講

陣間你上渡海輪時, 千萬要小心, 記得要扶住船叔叔0既手, 先好上船呀.....

渡海輪上船並沒有甲板的, 亦沒有欄杆, 其實有小小危險架

而且, 當日走0既時候, 又冇婆婆同行

我一手抱住要魚仔, 真係再照顧唔到朗朗

上船前一刻, 我再提醒朗朗: 你真係要小心呀, 唔好俾自己跌落海呀

如果唔係, 媽媽都救你唔到呀.....

此料不及, 朗朗居然回我一句

"媽媽, 你其實已經講左好多好多次喇........"

我當場 O 左咀!!!!真係完全俾唔到反應

你知嘛, 呢句說話, 我惜日不知同婆婆講過幾多幾多篇

當年, 我從來都唔知道, 婆婆0既感受

今日風水輪流轉, 輪到阿仔嫌我長氣啦.......

做左媽媽之後, 原來不知不覺間

我由少女, 已經變成嘮嘮叨叨0既婦人喇......

真係..... 有小小不知所措......

我諗......我真係老喇, 真的已經變了一個阿豬媽鳥......

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!