五歲朗朗學 Phonics - Jolly Kingdom

不知不覺間, 朗朗已經快要五歲喇.....
下年K3考小學添喇....真係有小小殺到埋身黎0既感覺.....
最近覺得, 日子再唔能夠一日過一日....
真係唔能夠再 hea 住過日子鳥....
於是, 決定要俾佢上下英文班!!!!

上網硏究左一輪
見都好多blogger 都推介Jolly Kingdom
講真, 我係幾有興趣學 Phonics 的
我覺得, 如果小朋友能夠掌握到點樣去拼個字出黎
到佢去認字, 或者第時默書, 都會有好大幫助

我地想當年學英文, 串字, 乜都係靠記憶, 硬灌式咁去記住
咁樣0既學習模式, 其實真係唔太健康, 而且, 亦都學得好吃力
唔想阿仔重蹈自己0既覆轍
所以, 當哥哥三歲時, 我就諗好左, 等佢大小小, 就學 Phonics
哈, 真係估唔到, 後來會一拖再拖, 拖到今時今刻先去學!!!!


上星期五, 終於第一日上堂
哥哥似乎上得幾開心,
 一落堂仲同我講, 好鐘意位外籍老師添!!!

落堂睇下佢學過乜啦

哈, 又幾好喎, 老師原來會寫家課冊

記錄番上堂學過乜, 同埋小朋友上堂0既狀況

呢家啱啱學, 學梗最簡單0既音

講起黎, 我覺得都幾得意喎

0個日落堂時, 我問朗朗: s 音點發架???

朗朗手舞足蹈咁同我講: 你睇住我隻手, 我隻手係條蛇黎0既

然後, 用手劃左個 S 字出黎, 再發出 S sound 

我諗, 佢地上堂時, 老師為左讓小朋友加深記憶 

會一邊教佢地做動作 , 一邊教佢地發音

而家, 只要我做過動作, 朗朗就能夠記得個 S 音係點發喇!!!!

哈, 上堂似乎都幾忙下

除左上面本書之外, 仲有呢本習作

開始認下字, 拼下字咁

其實上左兩堂之後, 佢似乎開始領悟到, 

0的字原來係用唔同0既字母拼出黎的

真係好, 係一個好開始於!!

希望, 哥哥你努力0的學啦!

你地呢代, 學英文真係易過我地好多喇!!!!

明白, 學語言唔係一朝一夕, 唔能夠一步登天

慢慢學, 慢慢學, 你要加油呀!!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!