我不是一個肯捱麥記的女人

話說, 話說

鴻仔佢, 一直都嫌棄我煮飯難食

為免再為難佢個胃

我於是決定, 每次佢放假

我地一係就去奶奶屋企吃飯, 一係就出街食

今晚, 一家四小口浩浩蕩蕩落街吃 PIZZA

點知, 臨入餐廳前一秒

爸爸竟然高呼大叫, 話不如吃麥記

然後, 佢0個兩條0靚立即舉腳贊成

說實的, 我是一個肯和你去捱魚蛋粉的女人

但卻不是一個捱麥記的人

煎煎炸炸, 真係見到就憎

然而, 佢地興高采烈, 一呼百應咁

我還有得SAY NO 嗎????

於是, 我就咁壯烈犧牲左

被迫陪呢三個男人捱了一餐麥記

好, 去相

原先, 我滿心歡喜

諗住開開心心食PIZZA的......

踩住 SCOOTER 落樓食飯

開心開心

細佬真係大喇

記得對上一個月, 我叫佢踩 SCOOTER 落樓

佢仲同我講, 好斜, 驚驚

點知, 事隔兩個月

佢已經能跟上哥哥0既步伐, 踩完一條大斜路啦!!!

食飯前, 我諗住同阿仔佢地執0的松果

就快聖誕啦, 想執松果黎報置聖誕樹!!!!

佢地兩個, 都好期待 Christmas 呢......

YEAH, 到了松樹林啦

好失望哦......今年0的松果唔係好靚........

好多都係瘦瘦細細的!!!!!

松果最後執唔成

但就放左一陣電

佢地兩個都大喇, 好多時, 都會一齊玩

再唔似以前咁, 對我死纏爛打, 係都要我陪玩

兩兄弟, 乜都可以玩一餐

一直都0係斜坡跑上跑落

佢地亂跑, 我就可以抖抖

哈, 我覺得佢地兩個愈黎愈似樣........

玩左一陣, 好快又天黑啦.....

秋天就係咁衰架喇, 五點尾就攪到好似夜晚咁.....

真係誓估唔到, 今晚, 我居然要捱麥記

點解要咁對我...........

睇下, 呢0的野個樣幾咁邪惡........

鴻仔叫我睇開0的!!!!!

佢話, 對上一次食係四月, 為起一年先食兩次

但係, 我一見到呢0的煎煎炸炸野, 就好唔開心喇

點解, 阿仔佢地咁鐘意食埋0的咁冇益0既野架.......

仲要食到狼吞虎嚥.....

冷開心咁........真係見到我就憎喇.........

爸爸就係為左挑戰呢個超級隊長而迫我捱麥記的......

成餐飯, 我黑面黑到呢.......

然後, 鴻仔又再同我講

"睇開0的喇......麥記係每個小朋友0既童年回憶黎架....."

或者, 呢個就係爸爸同媽媽對事物睇法0既差異吧.....

0的爸爸就係咁, 總係能夠 Take it easy

而媽媽就總係執得太緊....

有時, 真係難怪阿仔佢地咁痴爸爸架.....

或者, 鴻仔講得啱0既, 又唔係成日食, 俾小小童年回憶佢地, 係應該0既......

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!