Kaylie 五歲鳥!!!!!

恭喜 Kaylie, 賀喜 Kaylie

真係眨下眼0者, 就五歲啦.....

祝你愈大愈靚女, 愈大愈聽媽咪話, 哈哈!!!!

講番今日先

今日參加左 Kaylie 0既生日會

講起黎, 真係覺得自己好鬼論盡

明明係今日生日會架嘛....

自己竟然記錯左, 尋日盲鐘鐘, 帶住三隻仔衝左去會場.....

去到摸晒門釘, 先知原來奶左野.....

真係愈老愈矇懂呀.......

難怪阿仔都話我: 媽咪, 你真係儍更更呀.......

無謂野唔講

去相, yeah!!!!!

連續去左兩日

哥哥都變得好熟路, 一去到, 已經搵到生日會會場了

哈, 今日 Kaylie 真係巧靚女

其實, 同 Kaylie 慶生, 唔多唔少, 都有0的感觸

仲記得, 朗朗, 學學同 Kaylie 未夠一歲就已經一齊玩架喇

睇住佢地由唔識行到學識行, 由唔識講野, 到牙牙學語, 

佢地三個, 一齊經歷好多個第一次

而我地三個媽媽, 亦一齊經歷過好多好多0既第一次

唔經唔覺, 大家都五歲啦.....

學學今年仲參加大抽獎, 準備明年入讀小學添啦......

希望, 學學你能夠成功入讀心儀學校啦....

聽日就放榜啦, 我都為你緊張呀.....

今日真係有小小可惜呀

因為我地要走兩場, 逗留左冇耐就要走啦

同學學只能小聚片刻

Kaylie 五歲啦

有左弟弟之後, 覺得你愈來愈懂得照顧人

睇住你一日一日進步, 我都替你高興

今日呢個生日party 真係巧巧玩

細佬最鐘意就係玩呢個大氣球

追住黎跑, 追住黎狂笑

超級開心

諗起黎

 再過多兩個月, 朗朗就五歲啦........

然後, 再過多大半年

朗朗就要面對考小學, 大抽獎啦.......

 突然間, 覺得前路茫茫

升小0既問題......真係讓人覺得好煩惱........

又不得不慨嘆......做人阿媽真係好艱難

今年煩細佬考幼稚園, 明年又要搞阿哥考小學......唉.........

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!