細佬好消息

連續呢兩個星期六, 真係十級咁忙碌

每個星期, 都走成兩至三場, 去考幼稚園

沒完沒了0既 interview, 真叫人感到相當咁疲累哦.....

到目前為止, 細佬一共 in 了6間幼稚園

感謝天父, 終於0係啱啱0既星期六

我地收到了取錄信喇......

雖然, 那間幼稚園並唔係我地最心儀0個間

但係, 有學校收細佬, 講真, 我地已經好滿足喇.....

細佬, 佢係四月b, 其實都尚算大b

可惜, 佢一直講野唔叻

而且, 佢每次一去到人地學校, 就突然變身, 成為超級怕醜仔

然後, 一見到老師, 就變得目無表情, 乜都唔願講, 乜都唔願答

同平時, 真係判若二人......

收左細佬呢間幼稚園

其實, 真係佢表現得最好0既0個間黎架喇

考呢間時, 唔知點解, 佢能夠無啦啦面無畏色, 而且個人相當開懷

我一直0係度諗, 如果, 連呢間都唔俾機會佢

我都唔知點算......

本來, 都好想佢能夠考入哥哥間幼稚園

始終, 兩兄弟一齊番學, 我接湊上, 都會方便好多

可惜, 無奈......

細佬佢, 似乎一直都唔係好鐘意同哥哥一齊

番學

上年考 pn 時, 已經係極度不合作

點知, 今年考, 都係一樣.....

0係啱啱過去0既星期六, 去到哥哥間學校

細佬超糟糕.....

老師: 小朋友, 你叫乜野名呀?

魚仔: 周 x 魚 (超級勁細聲)

老師: 乜野名?????

魚仔: 周 x 魚 (仲係超級勁細聲, 就連坐佢身邊0既爸爸都聽唔到)

老師: 咁你幾多歲呀?

魚仔: 兩歲 (一樣, 勁勁勁細聲)

老師: 聽唔到喎, 可唔可以大聲小小呀.....

魚仔: 兩歲 (依然細聲到冇朋友)

老師: 老師真係聽唔到呀, 大聲多小小得唔得呀?

魚仔然後爆發喇, 怒吼般的大叫: 兩歲 (發脾 4 的聲線)

呢野, 就連坐0係隔離個家長, 都笑埋出黎..... OMG.......

算喇, 我又唔會去強求0既

有時, 可能佢真係唔鐘意哥哥間學校呢.....

而家, 終於都有學校收喇

我地都鬆了一口氣

不過, 真心覺得, 龍B競爭真係好大

想當年, 又可能哥哥係一月超級大B喇, 又無細佬咁怕醜啦.....

覺得考幼稚園, 係件相當容易0既事

今年, 去到間間幼稚園, 度度都人頭湧湧, 然後個個B, 都好醒目咁款

真係覺得壓力好大

感覺想考到一席位, 絕對唔係一件容易0既事

感恩, 我地終於有著落喇........

感恩黎梗0既星期六, 再唔需要營營役役, 勞勞碌碌啦

呢段日子以黎, 除左苦了細佬, 其實亦都苦了哥哥

不知, 有幾多個星期六, 忽略左佢

讓佢一個獨守空幃, 悶到發毛

好, 決定黎梗0既星期六, 要帶佢地出去威一威至得!!!!

考幼稚園, 壓力真係好大, 好辛苦

 媽媽們, 大家要加油哦

我地為你打打氣! YEAH!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!