Gill 家歡渡 Halloween

終於苦等到 Halloween 0既來臨喇....

兩隻仔真係等到頸都長埋呀....

實呈, 唔好話佢地兩個喇, 講真, 我都好期待哦...

Halloween 0係我地呢區黎講, 係一個盛大0既節日

每年0既呢一日, 所有街坊都會盛裝去到哈佬喂條路, 一齊去狂歡盡慶

今年0既 Halloween, 我地叫左婆婆, 又相約左 Kaylie 過黎一齊大玩特玩

真係 super 咁開心.....

好, 去相

細佬一放學0者, 我地就拿拿聲出動喇.....

今日朗朗扮巴斯, Kaylie 份小仙女, 兩個都好可愛哦

至於細佬豬呢.....今日個造型真係差左小小呀.....

本身, 其實套巴斯衫係買俾細佬架

不過一黎太大件, 二黎, 細佬份人真係好難服侍

係都唔肯著長袖衫, 成日話熱.... 點都唔肯著....

最後, 臨急臨忙, 幾經辛苦先搵到件啱佢心意0既衫仔咋

當時, 其實都只不過係4:30 咋

但已經有好多小小小哇鬼, 出左黎嚇我地喇.....

見到都覺得好興奮呀....

周圍都佈置得好有氣氛呢.....

可愛中帶點兇悍０既 spider

哇, 嚇死人咩.......

Kaylie 細佬睇睇下, 發覺唔係好對路

嚇到大叫驚驚, 驚驚......

歲半人仔大驚慌，我地班大人就睇到笑呵呵。。。。

哈, 好逼真哦....

差小小以為道閘, 真係夾死左個人添.....

多謝爸爸哦!!!!

百忙之中仍然抽時間陪0的仔出黎玩

有父愛, 真幸福

行左唔夠五分鐘，就已經攞糖成功

開心開心

細佬手持戰利品

有糖萬事足，抱都唔肯俾我抱添呀！

佢地０的外國人，真係好英架

個個個造型都好特別

好　ｌｉｋｅ　呢一對囉！！！

突然間，細佬手指指

繼而怒跑一分鐘

以為佢乜野事啦。。。。

原來係俾鬼追！！！！

真係又好玩，又好笑。。。

兩隻小鬼

呵，連婆婆都話眼戒大開，好好玩哦。。。。

又黎好多有趣佈置

問你驚未？？？？

嘩嘩嘩。。。。。。

呢個細佬真係超大膽

見到不但冇驚慌過，仲唔知點解覺得好好笑

真係耐佢唔何。。。。。

差小小忘記同我個母親大人合影添！

哈，原來我地兩個都咁愛Ｖ的！！！

對手血淋淋咁，見到就驚驚喇

估唔到婆婆居然會走過去同佢握手。。。。大膽大膽。。。。

都叫左爸爸一齊扮鬼扮馬架喇

佢又點都唔肯，真冇趣。。。。

呢度好攪笑呀。。。。一家都係囚犯。。。。

五點半，已經人山人海

一陣之嘛，哥哥已經大豐收喇。。。。

呢個女巫幾咁兇惡。。。好似劈友咁款。。。。

咁好玩，婆婆點解仲要做低頭族呢。。。。

中毒太深喇。。。。

好滿意呢張合家歡呀。。。。。影得我地好開心。。。。

開心０既時間，總係過得特別快

太太太好玩喇。。。。。

快０的又到下年萬聖節就好喇。。。。。哈哈

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!