小小故事會

之前都曾經提過

我地區內每個星期, 都有義工為我地搞左個故事會

上個星期, 真係超級勁開心呀

故事會為小朋友帶來一個小小小驚喜

邀請左廸廸尼0既工作人員入黎

同我地玩遊戲, 講故事, 做手工呢

嘩, 神級廸士尼0既迷朗朗 + 魚魚都玩得超級開心

0係呢度, 再一次多謝一班熱心0既義工

呢個年頭, 其實肯熱心做義工0既人真係唔多喇

好感激, 社會仲有你地呢一小小撮人

感激感激

好, 去相

呢一朝,哥哥係都要坐巴士落街

但媽媽0既個性就係咁0既喇

你愈係堅持迫我坐巴士, 我就愈係唔肯過你

於是, 哥哥超超超勞氣.....哈哈

行左15分鐘, 落到plaza, 條氣仲係 chok 住 chok 住

搞左佢好耐, 要爸爸出馬, 先冧掂番佢咋

其實, 哥哥雖然口講鐘意媽媽多0的咋

但我覺得, 佢地父子之情, 都好深厚0架

有時, 佢地兩個做埋0的野出黎, 仲會好骨痺, 好骨痺添架

終於去到故事會啦

唱唱歌, 齊齊熱下身先!!!

朗朗哥哥勁冧廸士尼工作人員 - sky 姐姐

呵, 玩遊戲玩得好開心

玩左一陣, 就睇故事

今日講怪獸大學呀, yeaH

哈, 連細佬都聽出耳油

大家都勁勁勁專心呢

 其實故事會真係好好玩0架

唱歌, 玩遊戲, 做手工, 講故事

簡直係成個 Playgroup 咁

所以, 我真係勁勁勁愛呢班咁有愛心0既義工0架

十二月, 準備有聖誕 party, 呵, 好期待呀.....

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!