我們家的臭四

磐古初開

朗朗哥哥就係一舊大大大頑石

由細到大, 都係一個脾氣仔, 大臭四

個性之衰, 無人能及

我成日諗, 如果我係佢女朋友, 我實飛左佢幾十年喇

可惜, 我做唔成佢女朋友, 卻唔小心做左佢阿媽, 

呢獲, 真係想飛, 也飛不掉了.........

今日, 真係不吐不快......

快要俾阿哥激到七孔流血鳥.....

事緣, 番到屋企, 臭汗淋漓

我就叫哥哥快快手去沖涼喇

點知, 哥哥卻扭計, 死都要同細佬一齊沖

ok, 同細佬沖, 唔係問題

不過, 等細佬訓醒先都得掛

哥哥唔肯, 用獨門秘笈-音波功, 意圖要嘈醒細佬, 我立即火都起埋

同佢講道理講左好耐, 叫佢咪咁自私, 唔好再大叫, 完全唔理人

然後, 我再捉佢出廳罰企

佢同我講: 我唔鐘意你......繼而動手打我....

非常怒!!!!!!!!

終於平復完

然後, 又想捉我陪佢玩

大佬, 我趕住煮飯架, 點得閒陪你玩呢

要玩, 難道自己玩一陣唔得咩????

我問佢: 煮完飯, 食完飯先至陪你得唔得????

哥哥: 咁而家邊個同我玩呀?

我: 你唔好咁喇, 你尊重下人地意願得唔得????

人地唔想玩, 你咪自己玩囉.....

細佬想訓, 你咪由佢訓囉....

好似你唔想學琴, 我有冇迫你學呀???

每個人都有自己意願架嘛, 你點解係都要迫人聽晒你講架0者

你嘗試尊重下人得唔得架呢....

講完一大輪, 結果仲係瞑環不靈

一邊咆哮, 一邊大喊: 咁而家邊個同我玩呀?????

Oh......救命......

終於, 如佢所願, 細佬被嘈醒鳥......

開心啦, 開心啦....

細佬俾人嘈醒, 喊到九彩!

我抱細佬出廳, 然後哥哥阻止

哥哥: 我想同細佬一齊, 你出去啦, 我唔鐘意你呀.....

我: 不如你問下細佬, 細佬想同你一齊, 定想同我一齊

一如我所料, 細佬果然係想同媽媽一齊

哥哥於是賴皮: 細佬, 你話俾媽咪知, 你想同我一齊啦, 你講啦!!!

然後, 自言自語話: 細佬係想同我一齊呀......

再隔硬捉住細佬, 同我講: 我地唔鐘意同你一齊, 你入房啦

廳有冷氣, 我好怕熱, 你入房啦.......

真好笑, 你唔想見到我, 又唔係我唔想見到你

要我入房, 欺人太甚了吧....

真係嬲到我想死呀........

如是者, 一直0係度哭哭鬧鬧, 一直都0係度哭哭鬧鬧

嘩......真係見到就頭暈呀......

完全唔知想點.......

最後, 足足喊左90分鐘, 一場完完整整的足球賽事....

最後喊到筋疲力盡.....食食下飯, 不支倒下

食到訓著左, 我先有好日子過.....

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!