偏心

從小到大

總係覺得, 爸爸媽媽一直在偏心

我家四個小孩

爸爸偏愛大姐, 媽媽偏錫細佬

而夾在中間0既二姐同我, 感覺一直被忽視的

諗起當年, 都覺得自己好慘慘豬哦....

現在人大啦, 仔都有兩件啦

開始明白, 其實爸爸媽媽或者唔係唔愛自己, 唔錫自己

只係, 我家太多小朋友啦

叫兩佬點樣平平均均的, 分配每個孩子同等0既愛呢....

而且, 反正媽媽又唔係唔愛我, 

只係多0的0的, 或者小0的0的0既問題之嘛, 何必咁計較呢....

我睇化啦!!!!

講番我自己先....我唔否認自己偏心.....

事實在, 0係細佬出世初期

我自己都真係好偏錫哥哥0架

0個時, 細佬一舊飯咁, 又冇反應, 終日呆呆滯滯

反觀, 哥哥呢, 哥哥已經實實在在的同我地相處左兩三年啦

唔多唔少, 都有感情0係度....

於是, 我地兩公婆理所當然的, 一直在錫哥哥多0的

時間一日過一日

細佬開始大啦

而家, 到逹左最可愛0既年紀

而細佬0既個性, 其實真係好易冧到人架

終日都笑口噬噬咁, 又嗲嗲豬喎

而家, 又會成日跑過黎, 錫你一啖

又會瘋狂咁跑埋黎攬到你實一實

連鴻仔, 都忍唔住俾細佬豬溶化左啦

我覺得, 近年, 其實爸爸已經轉投左去細佬度啦

其實細佬大個左之後

我地再冇偏心哥哥啦

反而, 兩個都一樣咁錫咁愛

可能, 因為細個時, 曾經感覺被忽略啦

實在好明白個中感受

所以, 我好堅持給予兩兄弟同等0既愛

例如, 我錫完細佬一啖, 就會立即錫番哥哥一啖

買件衫俾哥哥0既同時, 亦會買件俾細佬

總之, 哥哥有0既野, 細佬都會有

唔會一個有, 一個冇

哈, 朗朗, 魚魚

如果有一日, 你睇到呢篇blog

希望你地知道, 爸爸媽媽, 其實一直都好愛你地兩個

沒有一個多, 一個小, 並沒有偏心

我地, 一直都咁咁咁愛你地架!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!