得人驚的小一派位

而家做家長, 真係唔容易

阿仔都仲讀梗K1, 我同鴻仔已經密切注意梗升小派位啦!!!

今年升小, 戰況激烈

只有66%, 能夠獲派頭三志願咋....

睇到咁, 都真係有小小擔心

其實而家好興考直資同私校

不過, 我自己就諗都冇諗過要考

一黎唔易考, 實在唔想俾自己同阿仔咁大壓力

二黎我地有細佬跟尾(呢個先係重點), 考私小, 直資保唔到細佬, 我又唔想

你知啦, 細佬連考幼稚園都攪成咁

到時考小學, 我真係唔敢想像會攪成點!

思前想後

仲係覺得讀政府學校好0的

起碼, 哥哥入左邊間學校, 細佬就可以立即以世襲生姿態入讀呀嘛....

不過, 大抽奬呢個遊戲.....真係一0的都唔簡單.....

冇話讀書叻, 生得索, 阿爸阿媽係有錢仔, 就會派得好
呢個遊戲....真係崇講運氣....
朗朗有個師姐, 全級考第一
又乖巧, 又靚女
然而, 卻派了全區最差0既學校.....
你話O咀唔O咀......

我地因為住0係離島區

可以選擇0既學校唔多, 而且離島區學校程度一般比較淺

同市區學校, 真係冇得比

所以, 到朗朗K3時, 我地大概要搬屋啦

(除非, 非常幸運地, 第一階段能夠成功啦)

雖然, 真的很喜歡而家自己住梗0既地方
但為左兩隻仔0既學業, 真係冇辦法啦
校網真係好梗要架......

以前, 聽到0的人話為0的細路升小一而搬屋

總覺得佢地, 駛唔駛咁誇張......

真係萬萬估唔到, 自己居然都會走到呢一步.....

仲有唔夠兩年, 朗朗就要玩呢個死亡遊戲啦.......

講真, 真係一額汗架......

你知啦.....哥哥0既命運, 又會間接影響埋細佬架嘛

叫我地點能夠輕鬆面對呢.....

望就望阿哥佢繼續能夠行運一條龍

能夠派到一間唔錯0既小學啦!!!

在此, 呼籲玩過大抽奬0既朋友

可唔可以分享一下填表0既小小小技巧呀!!!

點樣先能夠容易抽到心儀學校呢????

分享下啦, 唔該!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!