小小小肥捷

探B停不了

繼學媽媽生左小學妹之後

兩個月前, 羡琳媽媽追仔成功

屋企, 又添一名小成員

真係恭喜恭喜哦!!!

今次一揪二再次去到將軍澳

感覺輕鬆多喇.....

細佬開始大喇, 再冇以前咁難搞

而且, 是次行程都只不過係上車落車

同埋待在羡琳家中, 全程都好好好順利

真係好喇!!!! 覺得自己終於都應付到喇!!!

其實之前一直都覺得帶兩子出街

係件神級苦差黎架

事關, 次次出親去, 我都冇乜好下場

我仲好驚訝, 點解個朋友可以咁神勇

成日都帶住兩隻仔, 遊遍全香港

今次行程順利, 為我打下強心針

大概, 黎梗個暑假應該可以重出江湖啦, 哈哈

實不相瞞, 見自己探羡琳呢獲咁成功

今日, 我再下一城, 一揪二去左好遠0既梅窩添....勁唔勁先!!!

好, 去相

一揪二坐巴士

當時, 心情好忐忑, 因為未出發, 哥哥已經0係樹扭計了!!!

幸好, 個半鐘0既巴士非常咁平安

兄弟二人都同時訓底左, YEAH!!!!!

不過, 到埗之後

我又面對另一個問題了....

有腳0既細佬豬只想抱, 唔願行

最後仲俾佢老屈抱左好一陣子呢.....

哥哥大個仔喇

而家雖然有時行得慢小小, 但經已照顧到自己

煩小個, 我輕鬆好多啦!!!

上到羡琳家

兩兄弟睇電視睇到呆左

哈, 屋企太小機會睇啦

出到去, 仲唔睇到發晒茅!!!

今次見羡琳好左好多

至少唔會好似上次咁, 做左自閉仔

細佬一向都係開心仔

去到邊, 顛到邊, 永冇怕醜!!!

終於見到見仔捷真身啦!!! 真係似足媽咪哦!!!

呢個巨B, 真係重到不得了

3個月人仔, 有成15,6磅......

好可愛哦, 仲要肥到冇頸架.....

勁好笑容, 實在冧屎人喇.....

我家兩隻仔, 似乎都好鐘意BB

兩個輪流探肥捷

好似好想同BB玩咁!!!

兩隻野平時對住我就成隻大惡魔咁

對住BB, 個人良善左好多

KIMMY 姐姐同羡琳今日著左情侶裝

襯到嘔呀.....

大合照, YEAH

羡琳雖然只係做左兩三個月家姐

但勁有家姐風範

一路都好照顧我地個細佬豬

仲不時要抱起細佬豬添

抱完細佬, 抱哥哥

一個可以湊三個

有佢做家姐真係一流呀!!!

玩得好開心, 下次再約過

祝肥仔捷快高長大

一家四小口快快樂樂!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!