港童大戰炎炎夏日

一直以黎
都覺得, 應該要賤養0的仔
要讓佢地過得刻苦一點
希望佢地能夠從刻苦0既生活當中
學懂珍惜, 從而努力上進

不過, 0係香港呢個物質咁豐盛0既地方
要賤養, 要讓小朋友過得刻苦, 絕不容易
因為, 唔駛你俾好好0既生活佢
佢地已經能夠從基本0既生活中嘆慣左喇

回想當年, 我地天時熱
想要冷氣, 真係絕不容易
最基本, 坐巴士, 0係學校上堂, 都唔會有冷氣供應到俾我地
反觀呢一呢代呢!!!! 去到邊, 都充斥住冷氣....
真係太幸福喇......

習慣左有冷氣0既生活
朗朗熱小小, 都話頂唔順
好多時, 熱到一頭汗, 就會發脾四
然後好嬲咁大叫, 好熱呀, 好熱呀, 我成頭汗喇......
今日, 更因為熱, 話做唔到功課, 一路都0係樹賴皮添....
真係超級港童 feel 呢......

鴻仔爸爸同我講
咁熱天時, 大人都難頂啦, 個細路仔扭計, 都好正常0者.....
係.....無錯, 我都知好熱.....
但係, 我覺得熱, 都只不過係physical上受小小苦0者
如果連咁都捱唔住, 熱都唔能夠忍耐
咁成長之中, 有更多0既苦, 點樣去克服呢....

男仔嘛, 真係需要捱下苦頭, 學習下忍耐先得架.......
所以, 我係唔會理鴻仔架
我會繼續迫阿仔刻苦刻苦, 過著刻苦0既生活
願望佢大個時, 能夠頂天又立地啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!