學妹

悠長0既復活節假

兩子每日都活得相當咁豐盛

日日都同朋友出去喪顛喪玩

真係不亦樂乎, 不亦樂乎

去到假期0既最後一日

我地終於夾到時間去探學妹啦!!!

一講到學妹, 大家係咪以為係0個0的好索. 好有初戀味道0既女孩子呢???

NO NO NO, 唔好諗錯隔離

所謂學妹, 其實就係學學0既細妹
真係恭喜恭喜呀

講真, 對於學家多左個千金

我真係SUPER咁開心0架

知道學爸學媽一直都想生多個小朋友

但係有時0的野, 真係唔係能夠強求架...尤其係生仔添.....

隔左一段日子, 學家一直都仲係未有消息
哈, 估唔到, 卜一聲, 就有左學妹喇!!!!
如今, 見到佢地屋企終於添左個小成員

真係好替佢地好好好高興!!!

好, 去相


最近, 覺得細佬開始大啦, 唔會好似以前咁不斷的咆哮
一拖二出街, 再唔係苦差啦!!!

哈, 超可憐0既魚仔

原來媽媽忘記替佢扣好安全帶

結果, 細佬撻生魚....跌了一大交.......喊爆喊爆

同青梅竹馬0既Kaylie齊齊坐巴士

超級勁爆咁開心

毛仔比我地更早到埗

一見到學妹, 我梗係忍唔住要同佢黎個熊抱啦

真係好細篤, 軟綿綿, 好得人鐘意哦!!!

爆玩奇兵將學家反轉反轉再反轉

由廳玩到房

由房又玩上床

個個都喪晒........

玩得爆開心
卻完完全全遺忘了主角-學妹
哈.... 班友仔真係黎玩, 唔係黎探學妹架......

有時睇番轉頭

望番Kaylie, 學學同朗朗0的舊相

真係好難相信佢地今時今日

個個都做梗人哥哥姐姐啦

睇住佢地由俾人照顧, 到而家個都開始懂得照顧細佬妹

感覺真係好奇妙, 好難以讓人相信!!!!

希望0的細佬妹快0的長大啦

到時, 我地又可以好似以前一樣

成日街周圍遊, 周圍玩啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!