追趕

早陣子

心裡面一直都唔係好開心

總覺得有點壓力...

一直都覺得, 唔應該被別人影響到自己0既想法

但原來, 我係咁容易被擊倒的

原來一張相片, 一句說話已足夠讓我思緒失靈!!!

事緣係咁0既

話說, 某日睇到WHAT'S APP 群組傳來一張照片

睇見同學A, 在家裡做梗 COPY BOOK

寫了一行又一行0既英文句字

文字秀麗脫俗

睇落去, 一0的都唔似K1學生寫0既字

然後, 群組0的家長就大讚呢位小朋友!

我不禁0係度諗.....

嘩, 原來人地0既小朋友能夠寫到咁好0既字

嘩, 原來人地0既小朋友, 一直都在家裡默默練兵

嘩, 原來人地0既小朋友, 已經為考小學做梗準備

然後, 我又0係度諗

我地日日0係樹玩, 0係樹HEA

咁樣做, 會唔會讓朗朗大落後呢.......

隨之而來0既呢日

我命朗朗做寫字做練習, 又迫佢畫畫

再的佢狂睇書

總之, 呢一整日, 就係沒完沒了忙這忙那啦....

最後, 停落黎

我又0係度諗

係咪應該要走呢條路呢

係咪咁細個, 就讓佢一直追追趕趕呢

其實, 我真係好想讓佢有個快樂0既童年架

我真係唔願意, 一個咁細個0既小朋友失去應有0既童真!!!!

有時, 見到好多小學生, 

一早就起身番學, 去到四,五點先番到屋企

然後就立即忙功課, 忙默書, 忙測驗

感覺上, 踏入小學, 就唔能夠好似幼稚園一樣無憂無慮

我0係度諗, 如果, 連呢三年幼稚園生涯, 都唔俾佢玩樂

仲要剝削佢, 迫佢做呢樣, 做0個樣

咁, 似乎太可悲喇........

今日, 我0係度諗

原來, 一張相之所以讓人心緒不靈

係因為家長們大家都怕輸

大家都唔願意落後

呢張相之後, 可能誘發了一輪的軍備競賽

家長們追追趕趕

最後, 只有苦了自己, 又苦了孩子

有句說話我覺得好啱

贏在三歲冇意思

要贏, 不如就贏在三十歲吧!

大家, 家長共勉之!!!!