家有惡仔

之前講過四歲哥哥0的衰野

係時候講下兩歲細佬0的變態野.....

其實一路以黎

我都知道自己做得唔夠好

一個湊兩個, 讓我分身不下

好多時, 為左平息局面

我都會叫哥哥, 你讓下細佬啦....

又有好多時候, 我為左制服細佬

就變得將將就就

同教哥哥當年, 真係兩碼子0既事呢....

可能細佬就係咁樣成長

佢愈大, 就變得愈難搞

大概, 俾人遷就開0既人, 總愛變本加厲吧....

細佬呢家, 脾氣超大

一唔滿意, 就放聲大哭

習慣性的, 大哭, 然後放聲嚎哭, 繼而爆爆爆喊

覺得咁樣, 就能夠得到自己想要0既野

而事實上, 佢真係次次出呢招

我都變得逆來順受

不過, 兩歲啦

我發覺咁樣落去, 真係唔係辦法

最近, 我決定要同佢對峙一下

我心裡面覺得, 係時候要狠狠的蠃番佢幾獲

讓佢知道自己唔係大晒

於是, 最近出親街

經常都會遇到典地事件

OMG......真係醜到不能再醜.....

再係咁, 真係街都唔敢再出呢......

不過, 我真係覺得細佬好頑強呢....

佢發起脾四起黎, 真係可以喊足半個鐘都唔收聲

中氣好到你唔信架......

呢一兩年, 我年紀真係開始大啦, 

真係覺得自己再冇咁好力氣, 同佢地博鬥咁耐啦......

我變得好容易同佢地算數......

我總覺得我會鬥唔蠃佢地, 尤其係細佬.......

唉....唉....唉.....

細佬佢真係好惡教架

叫佢唔好咁咁咁, 佢就立即笑住口做俾你睇!!! 

務求要激到你彈起.....

平時做錯事, 同佢講道理, 就求其答我一聲"得"或者"知", 咁就走左去

好惡, 好認真咁鬧佢, 佢又笑笑口, 就你耳聲風, 

仲要, 你鬧佢時, 佢個樣好似滿不在乎, 好似心諗你要鬧, 就鬧快0的, 我趕住玩架!

罰佢企, 久而久之, 而家我覺得佢都根本唔驚

佢似乎覺得, 企一陣, 又可以拍拍籮尤重新做人

打, 我又真係唔係好想......

無辦法啦...我真係唔知, 仲可以用乜野方法黎治佢....

真係淘氣, 頑皮到你唔信架.....

真係冇佢辦法啦....救命哦......

有冇人可以話俾我知, 我可以點教呀.....真係嘔血呀.....

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!