人地成日都話兩歲0既細路特別難搞
我一直都以為, 過左 Trouble 2 呢個階段,
一切都會變得易處理好多
至少, 小朋友會聽得明你講乜, 同佢講道理都ok嘛....
但係, 原來並唔係咁0架
原來, 唔同階段0既小朋友, 就有唔同0既問題
哥哥呢...就係活生生0既例子啦...
其實, 都唔知由幾時開始....
我覺得, 都係呢兩三個月間吧....大概真係四歲左右....
哥哥佢, 突然變得諸多辯駁
叫佢食飯食快小小, 佢就會又會話, 細佬忍我笑呀....
有時,又會話冇音樂聽, 所以會食得慢....
總之, 就係鐘意扯東扯西, 駁咀駁舌, 激到你噴晒血啦......
除左鐘意駁咀之外, 哥哥佢, 再唔會好似細個時咁, 逆來順受啦
以前, 媽咪話乜就乜, 以前, 媽媽話罰就罰
當年, 媽咪真係可以為所卻為
只要我咆哮一聲 "你點可以點點點架, 過黎罰企...."
當年, 媽咪真係可以為所卻為
只要我咆哮一聲 "你點可以點點點架, 過黎罰企...."
哥哥於是會立即勁驚青, 然後大喊"對唔住, 媽咪, 我唔敢啦......"
而家呢, 唔同晒喇
經常性地, 媽媽咆哮, 就當作唱歌
叫佢停手, 收手, 佢都唔會理, 唔會聽
只會繼續做自己做梗0既事
當媽媽0既說話, 係耳邊風
突然好識得為自己辯駁, 好識得為自己講好說話
做過0既野又唔認, 成為神級大話精添
例如, 我突然聽到細佬大喊
明明有目擊證人見到佢撞跌細佬
問佢發生乜野事, 佢就話 " 我睇唔到喎, 我都唔知點解佢會咁0既"
仲要裝作一副若無其事0既神情
攪到好似我0係樹冤枉左佢咁.....
講起都覺得好嬲呀.....
然後, 呢樣野又係唔知邊樹學番黎架
勁黑人憎.....
次次我罰佢, 鬧佢
佢就會同我講: 你好曵呀, 我唔侵你玩
然後, 就玩杯葛
叫佢條0靚, 即係細佬
"細佬, 我地入房玩, 唔好同媽咪玩....."
都唔知佢點解轉變得咁大
以前個乖乖仔好似唔見左一樣........
真係暈呀........
而家, 見到個衰仔, 我都頭暈暈呀.....
再係咁落去, 我怕我終有一日, 會吐血身亡呀....
唉....以前都唔係咁架, 都唔知佢攪乜.....
於是, 近日屋企一路都家嘈屋閉
哥哥每日都係罰企, 罰企同罰企
唉..... 希望過多一排, 佢會回復正常啦....
湊仔真係唔容易....真係要為自己打打氣....
GILL 仔, 加油加油呀...
加油呀.
回覆刪除會喇, 不過真係唔容易
刪除