噢, 真係唔開心喇!
佔中事件, 搞到聽日又冇得番學喇....
哥哥唔駛番學, 其實對我地黎講
真係帶來唔少0既不便架....
成日0係度尖叫, 搞事
嘈到細佬下午連覺都訓唔到....
跟住今日仲離譜, 0係廚房整整下野
發覺做乜外面咁鬼靜, 心諗, 唔方好野
結果一出到廳之嘛, 竟然見到哥哥0係樹畫畫
睇到呢個畫面, 我真係忍唔住尖叫
個衰仔, 竟然0係屋企塊牆玩塗鴉......
@.@
真係唔能想像, 如果佢再休學多幾日
屋企會再有乜野事發生呀....
衰野唔講啦....
講番上上星期先
0個日, 我地同國皇家一齊遊昂坪+大澳
今次我地坐水晶車
地下係透明架, 可以見到車下面0既景色
不過, 班細路個個都勁驚, 細佬直頭嚇到成程車都唔敢落地
哥哥都花左一段好長0既時間, 先能夠克服畏高
後黎仲同 Mancent 玩得好開心添
終於去到昂坪啦!!!
因為冇耐之前, 先同兩隻仔去過一次昂坪
兩兄弟都好認得路, 一去到已經無尾飛陀
今次去到, 好失望哦
竟然, 一隻牛都見唔到添!!!!
不過, 都玩得好開心
我地去左睇左套關於香港電影0既 Drama
套 drama 估唔到又幾好睇喎
觀眾仲可以一邊睇, 一邊參予其中
大小朋友都好 enjoy 呢!!!!
行完小市集
我地坐車轉戰大澳
點知, 細佬就0係巴士上訓著左
嘩, 抱住隻肥野遊大澳
真係唔多頂得順呀.....
最後, 太重喇, 手都幾乎斷
我同 Mandy 唯有抱住阿仔靜坐
Vincent 就替我地, 帶住兩隻大仔遊大澳
阿仔訓著左, 攪去入到大澳都遊唔到....
真係有小小失望哦.....
不過算喇, 有得出街行下, 我已經好開心喇!!!
HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!
沒有留言:
發佈留言