8號風球飛行棋

呢個星期, 香港整個社會都不斷的被顛覆

情況一發不可收拾的樣子

作為一個香港人, 我真的感到很痛心, 好擔心

0係呢度, 真係好想呼籲大家要克制

唔好香港人打香港人

你可以有自己0既立場, 但係打人就點都唔啱!

希望, 再唔會出現暴力事件啦!!!!

政治野, 真係唔想多講

好怕會俾人 UNFRIEND, 哈哈!!!

講番鴻爸爸與朗哥哥先

話說, 打8號風球0既0個一朝早

鴻爸爸主動挑朗朗機

鴻仔: 朗朗, 我諗到喇, 人地8號風球, 最鐘意就係打麻雀

我地8號風, 應該要玩飛行棋

哥哥呢期迷上飛行棋, 梗係二話不說, 立即舉腳讚成啦

然而, 一向吹水唔抺咀0既鴻爸爸, 轉個頭, 就爬番上床....

灘左0係床好耐, 都沒有打算要找數...

而另一邊廂, 0係廳等左好耐0既朗朗, 
愈等愈唔對路, 愈等愈唔對路, 最後怒火咆哮

朗朗嘈左好耐, 好耐

爸爸終於知道冇得唔找數

於是, 死死地氣, 爬番出廳諗計甩身

鴻仔: 車, 你都未擺好0的棋, 陣間你擺好, 再入房叫我啦....

於是, 朗朗好努力, 快快手擺好0的棋
然後, 又拉爸爸出廳

朗朗: 爸爸, 你想要乜野色呀???

鴻仔: 黑色
(爸爸真係好欺人太甚......擺明想放飛機0者.....)

朗朗: 冇黑色喎.....

鴻仔: 冇黑色, 我唔玩喇, 我淨係鐘意黑色咋.....
然後, 頭也不回又衝番入房, 又想呼呼大睡

好佩服朗朗, 佢一直都冇放棄
佢仲好努力搵0的黑色棋出黎添
皇天不負有心人
終於, 朗朗成功完成壯舉, 見到我都笑爆咀
只能夠話, 小朋友真係創意無限

哈哈, 見到咁0既環境
爸爸梗係再冇乜駁落去喇
最後, 唯有乖乖就範, 不過, 大家都唔好以為佢陪阿仔玩左好耐呀
佢最後玩左半鋪又借頭借路閃鬼左去啦.....
真係心諗, 唔係有心陪人玩
好心就咪鬼挑機啦.....挑完又唔係, 真係堅老土呀!!!!
鴻仔, 你大個仔啦, 唔好再咁樣蝦細路啦......
真係俾你激屎左我呀.....

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!