尋日, 同細佬去左崇真 Interview
唉........真係O晒咀, 估細佬唔到呀.........
其實, 人地 in 得一0的都唔深
主要都係問下佢叫乜野名, 坐0係後面0個個係邊個
問佢眼耳口鼻, 同 matching
呢0的野, 基本上細佬係識架
但係, 佢就唔知點解, 突然同我玩含羞.....
乜都唔肯答, 乜都唔肯做
俾人問多兩句, 仲含淚, 想撲埋黎我度添....
講真, 我真係冇諗過事情會係咁樣發生.....
細佬份人, 一向都好熱情,
朝朝落樓見到0的街坊, 實會笑笑口, 同人say hello
朝朝落樓見到0的街坊, 實會笑笑口, 同人say hello
答問題呢方面, 我都係愁都冇愁過
反而, 一直都好擔心佢過度活躍, 會坐唔定
成日都覺得, 佢會 in in 下, 0係課室跑黎跑去, 玩走人
點諗到, 一向笑口噬噬0既細佬, 原來會係怕醜仔一名呢????
其實, 對上一個星期, 同佢出街, 都覺得佢有0的怕陌生人架喇
不過, 當時以為佢眼訓, 所以唔想理人
冇諗過, 原來, 佢真係堅驚陌生人
而家, 真係好擔心呀.....
因為11月1日開始, 陸陸續續, 會有好多 interview
咁短0既日子, 叫我點去訓練佢呢.....
唉...... 點算, 點算.......
細佬會唔會冇學校收呢.....
請問, 有冇人可以教下我呀????
巧巧巧擔心呀......
HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!
其實教晒都未必有用, 小朋友最鍾意玩情緒, 佢唔答人都冇計, 真係難為了媽媽
回覆刪除唉, 細佬唔能夠考唔到架
刪除佢冇back up 架......真係超擔心呢
會否嗰日唔夠訓呢?
回覆刪除唔會喇, 0個段時間佢一向都好醒神架..........
刪除小朋友有時係咁，吸取經驗，你覺得係咩原因咁樣？
回覆刪除果時小檬要interview嘅果日我就一朝早令佢好開心，希望佢心情可以keep 住。
好難架喎, 點樣可以keep 到佢一直都好咁情緒呀.........
刪除细佬現在讀果間，不会優先收K1嗎？
回覆刪除一仔現在讀緊果間会，所以下個月去in K1，當取经验，有学校收当然好，無的就原校升K1，安慰自己睇天意，因想强求都不能呀！
佢0個間唔係正統幼稚園黎架
刪除所以唔會直升k1,
正正因為咁, 佢今次只許成功, 不許失敗
然而, 佢條友仔卻學人玩性格......都唔知點算......
唔会直升K1，即要再面試K1？到時再問下收唔收？
刪除唯有in 多幾間當後備！？
我覺得係天意架..悠悠以前都係好開朗活潑扎扎跳,但偏偏有次去in個時,幾個小朋友都好投入去玩,佢唔肯去,死都唔去...就咁失敗咗
回覆刪除但去另一個時,佢又好願玩,好願講野..我覺得係因為佢自己中意依間學校,中意依個老師,所以就成功..就咁入左而家間學校..幸好入咗依間,原來失敗個間啲功課幾深下...好彩....
希望佢黎梗0個幾間, 心情會靚小小喇,
刪除呢排都一直俾佢出多0的街, 見多0的陌生人架喇
唔知下星期六能唔能夠考得好d 呢.........唉