學好Phonics - Ipad app "LearnEnglish Kids: Phonics Stories"

唔經唔覺, 哥哥4歲半啦!

係時候要讓佢學下Phonics喇....

仲記得, 0係我讀書0個個年代
我好驚英文架！
記性又唔好，成日串錯字

次次默書都好心驚膽顫！

後來又因為串字串得唔叻，默書持續都好低分
仲搞到對英文呢個科目, 失去埋興趣添
唔想阿仔走我條舊路
所以一早就諗好左，要阿仔佢地學好Phonics

最近， 我除左喺YouTube 搵左啲歌仔俾兩隻仔唱之外
仲發現左個幾唔錯嘅app， 想同大家分享下

好，去相


哈，原來不知不覺間

全版0既 app 都係屬於對仔架喇.....

其實我一向都好鐘情 BRITISH COUNCIL 

總係覺得佢地老志號

我細細個, 已經0係佢地度學英文架喇.....

所以, 一發覺佢地有個關於 Phonics 0既 app

就立即二話不說, 立即安裝喇....

呢度裡面, 有好多個唔同0既故事

故事讀到邊, 個字就會著左光
小朋友可以用耳朵聽, 用眼睛望
好清晰知道故事講到邊, 亦好清晰知道0個個字0既發音係點

阿仔佢地都好鐘意用呢個APP

一路聽故事, 一路可以阻下個畫面

可能, 感覺自己可以參與下個故事啦, 總係聽得好投入, 好投入

見佢地對0的故事咁有興趣, 我都好欣慰

你知啦, 當個小朋友對一樣野有興趣時, 學野都會學得快一0的架嘛!!!!

而家, 見哥哥有時都會跟住個故事一齊讀出聲

仲不知不覺得, 識多左好多個發音添!!!!

每個故事, 都配有唔同0既遊戲

玩呢0的, 好過打機啦!!!!!

兩兄弟而家玩得多, 已經認得晒BLUE, ORANGE, RED 呢0的字喇....

比起間生迫佢認字

原來咁樣玩住學, 係易好多, 亦輕鬆好多.....

呢兩兄弟而家當個APP 係寶

朝朝早, 一起身就立即要飛樸埋去啦

今朝早, 真係俾細佬豬激死, 聽故事聽到唔肯著衫!!!

呵, 真係好留心, 好專注呢......

最鐘意佢地聽故事架喇.....

佢地一聽, 我就耳根清靜, 屋企再冇喊聲!!!

  

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!