兩兄弟宿營篇

其實未到暑假之前

我已經一早 plan 好左, 要讓兩個仔過婆婆家小住幾日架喇....

一來, 覺得, 因為我地住得遠, 平時, 阿仔佢地好小機會見到婆婆

想趁暑假, 俾佢地婆孫多接觸, 培養下感情

二來, 其實哥哥一直都好迷戀, 好鐘意表姐 

暑假開始時, 已經不斷嚷著要去同表姐玩!

見佢咁想同表姐遠走高飛, 我梗係要成全佢....
雖知道, 佢快樂時, 我其實仲快樂!!!
何樂而不為呢!!!!

就係咁, 哥哥同細佬就展開左三日兩夜0既宿營之旅喇!!!!


哈, 好奇怪
初時以為佢地係去婆婆度宿營
最後, 原來卻去左E媽樹, 住左兩晚
仲每人0係E媽屋企賴左幾篤夜尿添, 真係失禮晒.....

三日兩夜, 每日都活得好開心

又整cheese cake, 又整湯圓

 又去過美食展

 仲連邊爐都打左一次
活得似乎比我同鴻仔更好....

日日喪食違禁品

唔怪得知, 一返黎第一句同我講

下星期想再去婆婆樹度假啦.....

謝謝表姐, e媽同婆婆
招呼得兩隻仔超好哦....
都係0個句啦, 以後年年長假期
真係麻煩晒啦, 哈哈....





後記

今年暑假
哥哥真係破天荒去左好多次sleepover
去過沙律屋企, 以恒屋企, 表哥屋企, 婆婆屋企, Max 屋企
成為本年度沒有家的男孩

爸爸雖然覺得好爽, 但係都一度覺得, 點解阿仔成日都唔0係屋企架!!!

又有朋友問我, 你唔怕佢唔痴家咩???

又唔驚喎....哈哈

山羊座0既朗朗, 一等一咁愛家

而且, 我係覺得, 以我0既教育模式去教仔, 實在太單一喇....

如果成日留在家中, 每日都只會過著單一, 且過份有規律0既生活

對佢黎講, 亦唔係一件好事....

 

暑假嘛, 讓佢多0的同唔同0既人接觸

體驗一下其他小朋友0既生活

我總係覺得, 同唔同0既人相處, 小朋友都會有唔同0既得著

因為, 每個媽媽都會有佢獨有0既教育方法

每個家庭, 都有佢地唔同0既生活習慣

去人家屋企sleepover, 佢地又開心得黎, 亦都會眼戒大開

好似咁, 去沙律屋企, 佢地日日都游水游水再游水, 強身健體

去以恒屋企,一個非常有宗教色彩0既家庭,朗朗會聽到好多唔同0既聖經故事

0係 Max 屋企,佢地會玩好多奇怪0既遊戲,例如baby yoga,生活總係新奇刺激

表哥屋企呢,可以同四隻小貓生活,又可以玩大個仔0既玩意,今次玩大富翁,朗朗好開心

同表姐一齊, 又會一齊整下野食, 做下小廚神, 好玩好玩

如果同婆婆一齊, 就更加正, 可以食盡違禁品, 可以狂煲電視劇, 簡直一流!!!

所以呢, 我決定每年都會讓阿仔佢地, 咁樣去四處流浪...

過一0的豐富一0的0既生活

如果有邊位朋友肯收留佢地, 真係不妨同我講呀....

我地無任歡迎, 哈哈!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!