快樂3人行

自從生左細佬豬之後
我地已經好耐未試下三人同行啦!
說實的, 三個人出街, 真的比四個人出街簡單, 容易得多
以前, 兩個大人惡鬥一個小魔怪, 勉強都叫做ok, 搞得掂
而家出街, 就要兩個打兩個
食餐飯都搞到要瞻前顧後, 芹死擺就咁.....
有時, 真係覺得好辛苦, 好吃力架
不過, 冇辦法啦.....
鬼叫我鐘意熱鬧, 鐘意屋企多個小朋友咩!!!!
四人行, 其實都好幸福, 好快樂呀!!!
辛苦多一兩年, 我諗就自自然然會好好多啦, 哈哈!!!!

好, 講番今次0既三人行先!!!

0係8月初, 哥哥去左沙律屋企sleepover 

見佢咁風流快樂, 我地就梗係都要活得比佢好啦!
同爸爸商糧過後, 好想帶魚仔去一0的佢未去過0既地方
細佬一直鐘情火車, 於是, 就決定要去大埔0既火車博物館

好, 去相

yeah, 攀山涉水, 終於到逹大埔墟喇!!!

好耐冇黎過呢度啦!
仲記得對上一次黎, 都未生細佬

細佬出世, 加上當時哥哥又開始上K1

呢一年幾以黎, 真係極少出街

今次小遊大埔, 感覺同放牢冇乜分別, 哈哈

第一次去到咁遠, 仲要見自己心愛0既火車
魚仔好好好興奮哦!!!

一路都捉住我四圍藤, 四圍藤

總之就係好歡欣啦!!!

後黎, 佢自己又0係路軌樹穿梭

見佢行一步, 我就一驚心啦....

又驚佢俾路軌"click"親, 又驚佢0係0的凹凸不平0既石路跑會跌損

總之, 我就總係會過份擔心, 有時亦會過份保護

其實我都好鐘意火車博物館, 呢度影相總係好靚

哈, 俾鴻仔影到我同魚魚溫馨0既一幕

0個日好熱呀, 行一陣, 細佬已經成頭汗

熱其實我都唔係好有所謂

我最怕就係俾蚊咬架喇.....我同細佬呢0的O型血0既人

真係行到邊, 都俾蚊追到邊架.....

真係估唔到, 唔多花草樹木0既火車博物館會居然有咁多蚊.....

真係辛苦死我地兩母子啦!!!

細佬總係唔望鏡頭!!!!

玩左一陣, 我地就同細佬上火車參觀一下

細佬爆開心....

行行企企, 玩左一陣

我地就走啦.....

由於時間尚早, 決定轉戰沙田

帶細佬去見佢0既童年偶像

細佬離遠已經忍唔住尖叫啦....

佢真係peppa pig 0既忠實粉絲黎架

0個時, 我為左駛開佢地兄弟二人, 方便自己煮飯, 

就開peppa pig 俾佢地兩個睇

點知, 一睇, 就一發不可收拾

兩兄弟都好迷戀 peppa pig

呢日, 見到偶像, 又玩得開心

細佬好滿意, yeah....

細佬呀, 細佬.....

呢日除左你玩得開心之外, 其實媽媽都好滿足哦

真係好少可, 可以同全天后咁陪住你.....

希望有機會, 搵日再同你黎個三人行啦, 哈哈!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!