閨蜜生日飯@Angelini

0係兩兄弟去婆婆家渡假0既0個幾日

我每一日都很享受自己0既生活

可以周街逛逛買新衫, 可以看自己喜歡看的電影, 仲可以整理髮型染頭髮....

真的覺得, 未有小朋友之前0既生活, 實在係非常咁多姿多采耶...

說實的, 偶爾, 我還是會很掛念, 從前無拘無束的生活.....

不過, 唔同年紀, 係應該擁有唔同年紀0既生活

人總唔能夠永遠停留在20歲, 過著20歲0既生活吧....

到了30歲這個階段, 有一個完整的家, 享受家庭樂

其實也很不錯哦......

哈.....所以我地0個度構思梗, 亦都逼迫梗婆婆

希望, 黎梗每一個長假期, 都流放0個兩隻 little monsters

然後, 同鴻仔去拍拍拖, 嘆下二人世界

婆婆, 你諗下啦.... 考慮下啦, 可憐下我地啦.....

湊佢地幾日, 都唔會太辛苦0者.....哈哈.....

好, 講番我個閨蜜生日飯局先....

今次去左Kowloon Shangri 0既 Angelini

環境一流, 優雅安靜

個 view 對住維多利亞港

如果夜晚黎食, 應該會好浪漫吧.....

一坐低, 佢地就送上暖笠笠0既面包

巧軟熟, 好味過我部面包機好多好多倍呢!!! 

繼而, 再送上一碗蛋花芝士湯

個樣好靚, 可惜我並唔係芝士愛好者

聞到芝士0既味道, 我已經頂唔順個湯啦.....

呢度0既前菜同甜品係自助形式0既

前菜選擇比想像中0既多

味道亦比想像中0既出色

我個人黎講, 好欣賞佢0的菇.....好有菇味!!!

Parma ham 亦好出色

最愛 parma 0既鹹香配上哈蜜瓜0既香甜, 絕配!!!!

食物質素真的很高

食材用料都很新鮮

就算係沙津裡使用的欖橄油, 亦油而不膩

真的要大讚!!!!

點了三道主菜

我0既兩位閨蜜都好欣賞魚同雞

然而我卻一向討厭魚, 總覺得魚帶腥味, 不好吃....

吃了一口, 就給放棄了!!!

不過, 說實的, 佢精緻的擺設, 我都加了很多分架!!!

雞係有機雞黎架

聽到都覺得好健康

味道唔錯, 旁邊0既薯仔更係非常出名

至於我點0既蜆肉意粉, 卻係意外地偏鹹了一點點

但係大體上亦好好味, 尤其蜆肉, 真的非常咁鮮味!!

吃了那麼多

真的差一點點, 就沒有力氣血拼甜品了

甜食質量也很高

特別要大讚佢地0既拿破崙....真係超好吃.....必食之選

另外, 佢地0既 mango mousse 亦都好正斗
芒果味特濃, 亦不會太甜, 我俾98分

食到 chocolate mousse 時

我已經飽到不能再飽了, 最後只能同佢擦身而過

不過閨蜜都有讚無彈

相信定必巧巧吃0者.....

今次食唔到, 唯有下次啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!