gill 家去camping @ palm beach

一直都好想同阿仔佢地去camping

之但係, 之前細佬實在太細個喇....

去camping 呢0的活動, 實在唔係太適合佢

於是, 一直都擱置左.....

直到今年7月中, 我單人匹馬, 帶住佢地兩隻野行山

然後發現, 細佬開始大喇....

好多我以前以為唔適合佢0既活動, 原來, 佢都開始做到啦

於是, 趁暑假, 大家都比較得閒

快快手, 黎個camping!!!

好, 去相

真係好感恩呀

我地選擇左0係剛過去0既星期一出發

當日天氣好好, 一滴雨都冇....

嘩, 如果去遲一日, 尋日出發,就真係唔得掂啦.....

今次同行0既仲有Max, Kastre ee 同 Ryan

Palm beach 位處大嶼山長沙附近

我地0係fb post完出黎之後

都有朋友, blog友問津

大家如果有興趣, 可以去呢樹睇睇

http://www.palmbeach.com.hk/welcome_c.html

好不容易, 終於到逹營地

嘩, 呢日風都唔多滴, 熱到嘔.....

個營地真係好靚, 好有特式

大小朋友都好開心

影相時, 都仲未知道大禍臨頭

今次呢個camping, 原先係諗住唔要冷風機架

我同Kastre ee 都有個共識, 大家都想讓小朋友過最原始0既生活

亦想俾小朋友知道, 原來呢個世界, 有好多人生活0係無冷氣0既地方

想俾佢地感受下窮人0既生活, 希望藉此, 讓佢地知道, 自己係幾咁幸福

不過, 一行到入個帳篷, 我地就發覺呢次奶野鳥.....

一來, 呢一日真係風都冇滴, 本身真係堅熱

二來, 個帳篷裡面, 一個窗都冇, 真係好焗好焗

最後, 仲係頂唔順, 決定要一部冷風機

不過..... 原來, 即使有一機旁身, 都仲係爆熱.....

營地前面, 就係一個無敵大沙灘

settle 好晒0的野之後, 我地就向沙灘進發

真係好鐘意呢個沙灘, 0的沙勁幼, 0的水勁清, 

而且, 行到好出, 0的水都仲係好淺

感覺好安全, 好啱小朋友

細佬豬真係好鬼大膽, 成日都唔知死, 唔知驚

成日都行到好出

朗朗哥哥同細佬係兩個極端

簡直係個安全大使

行遠小小都驚驚青青咁

好大浪, 好好玩

大家玩水玩得爆開心

同Kastre ee 一齊總係滿有驚喜

佢突然話想俾小朋友試下滑浪

講真的, 我係一個好保守0既人

我總係會考慮安全為先

起初, 我真的想反對

但係, 諗左兩野

仲係覺得, 唔可以總係俾咁多框框俾個仔

就俾佢試下啦.....

結果, 佢玩得爆開心

一直都好努力, 向住0的浪衝過去

見到佢咁勇敢

咁享受整個過程

我真係好感動

所以, 真係好想多謝Kastre.....

佢總係俾到一0的, 我俾唔到0既野朗朗

佢總會俾佢個仔有好多唔同0既嘗試

我真係要向佢多多學習至得呀!!!

玩水玩左一整個下午

玩到個個都謝晒

晚餐本來係想bbq 0架

不過當日天氣唔係太好, 好驚燒燒下會會突然落雨, 搞到好論盡

最後, 仲係決定過隔離個沙灘吃飯

飯後, 番到帳篷就知大大獲

又焗, 又熱, 又多蚊

個身長期痴痴笠, 笠到完全唔想訓

落左蚊網, 噴晒蚊怕水, 仍然狂俾0的蚊狂針

連我都估唔到, 原來呢0的生活會係咁刻苦架

呢晚真係難為了鴻仔

0係呢度, 真係要表揚一下鴻仔呀

 我都估唔到原來佢咁有義氣, 會留低陪我地架

你知喇, 佢一向係港童黎架嘛

刻苦成咁, 點估到佢竟然會對我地不離不棄, 叫佢走佢都唔肯走呀!

鴻仔, 你係得0既

下次camping, 實預埋你!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!