魚仔朗朗也Hiking之手指山

今個暑假真係好開心呀!

因為有感細佬豬開始大喇, 定性左好多

帶佢出門, 感覺再冇以前咁艱辛喇!
成個七月, 八月, 我地都去多左好多街.....

0係七月尾, 0個次真係好堅呀....

我竟然夠薑, 聊以恒媽媽, Auntie Maggie一齊行山
又估唔到, 佢地居然一口答應
就係咁, 一行8人, 三大人惡鬥5頑童, 齊齊挑戰坪洲手指山!!!



好, 去相


今次真係要讚讚細佬豬呀
記得七月頭, 我地都行過一次山, 
嘩.....0個次真係抱到我嘔呀....
真係估唔到, 半個月之後0既今日
佢居然能夠自己行足全程, 抱都冇抱過!!!!

手指山其實唔係好高

都好啱小朋友行

行左唔夠一個鐘, 我地就到左山頂喇....YEAH

上到山頂，個個都好興奮

就好似完成左創舉一樣！！！

行得咁辛苦, 梗係要0係涼亭抖兩抖啦!!!

哥哥曬到面紅紅

熱成咁，難得個個都仲咁好精力!!!!

行咁耐，冇人扭計！！！

個個都好叻仔呀！！！

0係全個坪洲最高點留留念，拍拍照

小休一陣，我地再行過

今次向沙灘進發

細佬豬流晒大汗

難得０既三人合照

呢三個小小衝鋒隊
唔識路，又成日帶我地亂咁行

細佬真係堅勁

之前行左咁多樓梯，理應好攰至係

但係仍然活力充沛

一路都向前衝，衝，衝，跑，跑，跑

一直都追趕住０的哥哥

無一刻停下來

其實同小朋友行山都真係幾開心

不時睇睇周邊０既環境，又一齊迷路再搵路

新奇又有趣，緊張又刺激

終於，去到海邊喇！！！

０係懸崖邊睇浪

講真的，我真係好驚

雖然個崖唔係好高，但小朋友總係跑跑跳跳，總係推推撞撞

總係好擔心會搞到有人跌落海

我有我心慌，細佬睇浪睇到笑呵呵

細佬。。。
大海無情呀。。。。
你唔好總係咁天真無邪啦。。。。

玩沙灘玩左一會

發現一個小山洞

日落西山，拉隊走人

沿路地下發現龍眼

抬頭一望

嘩。。。。周圍都勁多龍眼樹。。。。

樹上面亦龍眼大豐收。。。誇張到呢。。。。

最後我地邊行邊摘龍眼

一路行，一路食

大小朋友都開心

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!