Gill 家放暑假之遊大澳

最近真係太懶寫blog喇

好多好多生活事, 都仲未追得番....

去完澳門之後

我同細佬都大病一場

足足病左成兩個星期, 聲都失埋..... 真係好辛苦....

幸好, 我有一班好好好好0既鄰居

真係好感恩.... 佢地個個都好錫我地....

知道我唔舒服, 有的替我湊哥哥, 有的替我煮飯, 有的給我造包點

說實的, 我真的覺得很溫暖......

原來, 香港地....都唔係咁涼薄0者, 哈哈!!!

暑假0既每一日

我地貫徹始終, 繼續以玩為終身目標

除左去新加坡同澳門之外

我地仲去過廸士尼, 去過 hiking, 去過大澳, 去過南丫島

遊過無數咁多次水, 亦有好多朋友聚會

生活非常咁充實, 非常咁開心

好, 今晚首先寫左大澳遊先

去相

暑假又點少得我地0既表姐仔呢!!!

今次同婆婆, 表姐小聚遊大澳

實在係開心開心!!!

呢兩表姐弟, 見親面總係糖黐豆咁樣

sweet 到漏呀.....

呵, 快樂大概就係咁簡單

一家人周圍遊來遊去, 已經好開心

一落巴士, 就俾人捉住

問我地睇唔睇中華白海豚!!!

見又唔係好貴, 而且佢又話呢個時候潮漲, 100%睇到

咁就不妨一去啦!!!

yeah, 上船

準備出發

今日天氣真係極度炎熱

幸好, 架船係有瓦遮頭, 唔會太辛苦

架船一直在大海奔馳

直到去到呢個地方, 就停左黎

等左唔係好耐, 果然真的見到粉紅色, 超可愛的海豚

大家都睇得好興奮呢!!!!

睇完海豚, 我地就出發探索一下大澳0既漁村風味啦!!!

(呢張相, 哥哥想點呢?????)

周街鹹魚, 好搞笑!!!

呢0的真係城市再唔會見到0既野黎架喇.....

呢樹好出名食山水豆腐花

決定坐低休息一下, 再食下特產

果真好滑呀.........

再次出發

今次目的地係大澳文物酒店

大熱天時, 最怕同呢兩隻野出街

慢到嚇死你......

好多人都話表姐同我似樣, 講真的, 我又唔係好覺喎.......

我諗, 我地頂多都係動靜似0者.....

哈, 大家都係典型港女, 影相總係要狂V

哥哥最近好愛捐人褲浪

真係好儍, 好低B

沿路都係鹹魚, 鹹魚同鹹魚

都係婆婆最醒, 最嘆

大熱天時去曝曬, 點可以唔帶番把遮出街架!!!!

真係曬到我地一頭都係汗, 熱到嘔呀.....

真係頂唔順, 要隊番支大澳特產-紫貝天葵解一解暑耶!!!

呵, 笑容幾好0既一張全家幅

好不容易, 終於到逹酒店啦

酒店以前係警局, 而家翻新成為酒店

今次入去混下吉, 參觀下

希望下次有機會, 可以住番晚啦!!!

HEHEE

呢個係酒店舊貌

其實呢間酒店, 真係好多人專誠入黎參觀架!

佢有個前拘留室

大澳酒店之旅終於結束

又要行番0個條無瓦遮頭0既爆曬之路

呢段路, 朗朗醒呀

老屈表姐抱佢出去

早知表姐份人咁易話為, 我都屈佢抱啦!!!!

話係咁, 就玩左一整日!!!

呵, 真開心!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!