重見二人世界

大家好, 我係鴻仔!!!

睇標題就知道我係一個需要愛的港佬!

我又係一個典型現代人, 即係注重自己私人空間同個人享樂!

自從有兩位少爺進駐入屋後,

漸漸發覺自由離我好遠!!!

早幾日, 

GILL" 朗同魚會去婆婆屋企住三日兩夜!!!"

我"哦!"

話咁快, 就出發去婆婆屋企,

我家朗朗查實係一個浪子, 

每一次佢都會好享受不在家的日子, 直情我覺得佢迷上左喺人地屋企住,

佢唔係唔鐘意我地呢個家, 仲勁鐘意GILL仔!!!

山羊座的男孩乜係咁架咩???

唔係好顧家???

固執的山羊座小朋友

一聲"唔該晒婆婆!"

我同GILL仔立即重見光明回到從前二人世界!!!

拍拖第一擊……去尖咀韓國街食韓嘢！無左兩隻嘢阻頭阻勢，一個字“爽”！

"炸雞可樂"

上面嗰層係炸雞, 下面嗰層係可樂!!!

自從"來自星星的你"之後, 

我就愛上所有韓嘢.....

愛韓劇;

愛韓星;

愛K-POP;

愛韓國食物;

去書展都要買本關於韓國的書了解當地文化同歷史;

從前最愛的梅林午餐肉, 都被我遺棄左, 而家只買韓國午餐肉;

從前最愛的出前一丁, 都被我遺棄埋, 而家只買辛辣麵;

超邪惡的部隊鍋都成為我心目中的名物!

我而家見到韓文都會心跳加速!!!

一對情侶最緊要有共同喜好......除左對仔係我地的最愛, 

韓國嘢都係我地不可或缺的一個話題!!!

對於我地呢D無工人姐姐的家庭, 

平時想落街撐枱腳都唔得......連揾下陪散步都難!!!

呢三天我會好好珍惜, 其實呢幾日我都要返工(oh no) , 

唔揾錢又點養佢地幾隻嘢!

我會努力工作.........博命揾錢!!!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!

後記: 婆婆感謝你啊......若然仲有機會.........

其實.....x"mas你都可以考慮下收留佢地兩個;

唔.....新年又可以諗下! 

我諗多左.....唔會掛.....所以呢.....我成日都話婆婆係最抵鍚架!!!!