玩具“反”斗城「開學用品大優惠」試用篇

上次收到玩具反斗城0既開學用品之後

兩隻仔就一直都喉住左0的玩具喇!

本來同佢地講好左, "乖就可以拆黎玩!!!"

但係, 今朝一起身....聽左哥哥幾句甜言蜜語....

我就忍唔住, 打破原則, 開左出黎俾佢玩喇....

事緣, 哥哥一起身, 就攬實份玩具

同我講: 媽媽呀, 不如今日玩呢個喇.....

我: 乜你有乖咩?????

哥哥: 我今日又乖, 琴日又乖, 聽日又乖, 時時都咁乖架喇....

我: 下, 乜有咁0既一回事咩????

哥哥: 係呀, 我好乖架....你老左, 我都會好乖架......

我: 下, 我老左, 你會點乖法呀???

哥哥: 我會叫細佬養我地架!!!

聽到呢度, 我真係忍唔住爆笑左出黎

真係好想問佢, 點解你會叫細佬養我, 你自己唔養我呢????

見佢咁想玩, 暑假又冇乜細藝

又好, 開黎玩下啦

好, 去相

今朝忍唔住開0既係呢份

Doh Vinci花塔相架套裝

哥哥其實都好鐘意做勞作架

見佢慢慢逐個 step 逐個 step 跟住做

真的覺得佢長大喇..... 

拎住支小手槍, 對住0的圖案0節落去, 都幾好玩咁款!!!!

哈哈....細佬過黎搞亂檔

滾搞完阿哥, 就過黎滾搞我....

最近兄弟二人都大愛呢隻小手錶

呢隻野真係好好玩架, 除左可以報時, 計時同倒計時之外

仲集相機、攝錄機同錄音機於一身

有三個內置小遊戲，過百款遊戲可於網上下載

有左佢之後, 哥哥成個歌神咁, 日錄夜錄自己唱歌

成日走晒音咁唱住let it go, let it go......

真係俾佢笑死呀.....

呢份係UOI CREATIONS實用繪畫印章套裝

其實一收到禮物0個日

哥哥已經忍唔住要拆啦....

真係慈母多敗兒.....

一套有齊晒各種顔色, 有晒筆同各樣物品

勁齊全

雖然, 哥哥並沒有藝術天份

不過玩下, 訓練下小手指都唔錯呀.....

呢份就係哥哥0既作品....

唔知係乜.....