二人世界在羅馬 - PART 2

嘩嘩嘩, 話咁快就過左個聖誕假期啦
又係時候, 要收拾心情番工喇
要加油加油哦!!!!

好, 係時候又送上我地悶爆0既旅遊 blog 喇
上回講到我地0係羅馬競技場同羅馬廣場小遊左一個上午
係時候報導一下, 當日0既下午, 我地去左邊度威啦!!!

呢日, 我地0既行程, 查實真係相當咁緊湊架

羅馬, 真係有著沒完沒了0既景點

幾本上, 每行十至十五分鐘, 就會到逹另一個景點

所以, 呢一日, 我地都係以步行形式, 走過浮華大地

好, 去相

由羅馬廣場行過去萬神殿
經過呢座好靚仔0既建築物
查實事到如今, 我地都仲係唔知佢係乜水, 只係見到好多遊客0係樹影相
見咁多人影, 我地唯有都唔好執輸喇, 影番張, 留倩影都好嘛!!!

再行多兩野, 鴻仔呢個大食積又話想食 PIZZA
真係救命, 分分秒秒都係PIZZA
我依稀記得, 呢日都食左二餐 PIZZA 架.....

我就大愛意大利0既肉醬千層面........超好味哦.......

開餐完畢, 立即起行去萬神殿

睇到門口0個位羅馬勇士嗎????

係咪勁英呢!!! 其實我都好想俾錢同佢地影相架

不過, 佢地個朵超臭, 好多人都話佢地會坐地起價

見到你係中國人, 就會收貴好多!

所以, 仲係唔好招惹佢地為妙

萬神殿又係另一件藝術品

裡面樓底好高, 雕刻好靚

轉眼間, 我地又去到納佛那廣場
呢度有三個靚靚噴水池

仲有好多人0係樹賣藝添
好型呀, 咁大個女, 仲係第一次見到人周街彈豎琴咋

不過呢個廣場勁勁勁多人囉
攪到我好擔心......真係好驚自己會俾人偷野呀.....
你知嘛, 出發之前, 有人曾經同我講過
意大利, 周街都係賊, 你想像唔到0既人, 都會係賊
老人家係賊, 後生女係賊, 連四五歲0既小朋友, 都可能係賊黎架
攪到人心惶惶囉..... 幸好, 呢一整個旅程, 都冇 損失到一分一毫.....

呵, 我初時真係以為呢個係雕塑黎0架
原來堅係人黎0架喎......

下一站-梵蒂岡

聖天使橋呀....

有好多天使0係度守護著呢......

沿住聖天使橋

一路都有好幾個吉卜賽人在乞錢

見吉卜賽人, 我又變得好驚慌喇, 哈......

沿路風景都好靚.....

我0係度諗, 點解世界0既另一端, 可以同香港有咁大0既差別0架呢

梵蒂岡附近, 有著很多奇人異士

真係唔知點解佢地可以坐成咁, 古怪古怪

呵, 終於到逹聖彼得廣場喇

大到嚇親我.......

超黑仔呀, 本來諗住遊埋梵蒂岡架嘛

點知, 呢一日佢地上午居然只開放俾當地大學生做硏究喎

唯有食個TEA, 乖乖等到下午三點鐘0個場喇

又點知, 我地兩點半返到黎

居然發現, 條蛇餅居然長成咁喎......

見到咁0既人龍, 我地呢0的最憎排隊, 最愛打尖0既人, 唯有放棄喇

算喇.......咁排法, 五點都唔知入唔入到去呀.....

唯有影下相, 又當自己去過就算喇

又再繼續我地0既旅程

原先, 以為時冇機會去到呢個地方架

因為, 冇入到梵蒂岡裡面參觀

所以先有時間去呢個舊城

說實話, 羅馬有著很好著名景點

但我卻愛上這個舊區

這裡是 Trastevere 

一個羅馬舊區

在旅遊書上, 其實並沒有詳細介紹過這兒的

我係因為書上0既一張照片, 就不斷嚷著要來這個地方

果然, 呢度真係好有特式, 完全沒有令我失望

哈.....大概, 我實在是太迷戀歐洲式的特色小鎮了

我鐘意呢個地方遠遠多於競技場呢.....

啱晒愛攝影的我倆

殘破得黎, 卻有著古舊的美

噢..... 真係超鐘意呢度.....

這間屋夠誇張喇掛!!!

呢度都有好多間餐廳0架

有某幾間, 仲要好出名添

不過, 我地先啱啱 tea 完, 沒有力氣再吃多餐啦

去完 Trastevere, 又再日落西山喇

又係時候回巢

好, 聽日再寫埋最後一篇旅遊blog

多謝大家捧場!!!

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!