夢幻旋轉聖誕城@MEGA BOX

去完 IKEA 義賣之後

我地又趕下一場

同一日0既下午, 好多謝 Mega box 0既邀請

讓我地0係商場大玩特玩, 周圍放電

識我地耐0的朋友都知啦

其實我地都住得幾偏遠下0架嘛

平日, 冇乜特別的話, 基本上我地係會留守大本營的

所有大商場, 真係好少好少會去

今次大鄉里出城

兩兄弟超級勁爆咁開心

以前, 0係地0既世界, 只有山山水水, 公園

今次之後, 佢地先知, 呢個世界原來有樣野叫 playhouse

哈...... 對佢地黎講, 真係堅過癮囉....

希望, 佢地唔會成日扭我要去喇, 哈哈

好, 去相

睇下當日我地個世界, 有幾咁繽紛


臨近聖誕
個個商場都扮到靚一靚
MEGA BOX 都唔例外



一個充滿住羊咩咩0既世界



真係莫講話小朋友, 連我呢個老女人都勁LIKE囉



感覺好夢幻呢!!!!!



小小貴婦狗



爸爸0個日下午要趕番工
同我地玩左一小陣間, 就閃閃閃人啦



呵, 好鐘意身後面呢棵羊咩咩聖誕樹呀
仲忍唔住捉住老公影左兩張拍拖照添!!!!

呢棵樹每半個鐘就轉一次



哈.....轉梗啦, 轉梗啦
好得意呀



大鄉里哥哥睇到目定口呆
我知, 佢一定係覺得好新奇0者



細佬都指住大叫......
或者..... 佢地真係太小出街啦
乜野對佢地黎講, 都係咁 AMAZING!!!!

呵, 月兒彎彎照住 MEGA BOX

睇完聖誕節怖置

我地周圍遊遊遊

黎MEGA BOX 唔夠五次0既我

而家先知, 原來MEGA BOX 係咁啱一家大細黎玩

又有 PLAYHOUSE, 又有得 SHOPPING

仲有好多啱小朋友玩0既地方

呵, 哥哥跳熱舞

最後, 我地上左 PLAYHOUSE 玩

呢個全港最大0既室內遊戲室真係名不虛傳

兩兄弟玩得不亦樂乎

完全冇諗過要走

不過, 玩左一整日

媽媽斷氣了

唯有你地有你地玩, 我有我抖抖

哈.....PLAYHOUSE 果然係地靈人傑0既地方

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!