二人世界在阿仙奴- day 2

HiHi

今日輪到 Gill 仔0既報導啦

其實真係好開心0架
由細到大, 一直都好想衝出亞洲
好想睇下, 亞洲以外0既世界係點
呢個夢, 等左成30幾年啦
終於, 終於.....都可以有機會, 可以走出我呢個小小0既世界
真的有說不出的興奮哦.....
真係好多謝 Fanfares 做福人群, 讓窮人也可以歐遊
忍唔住, 又想講多次, $50去到米蘭真係超超超抵耶......

好, 講番我地個歐遊之旅先

去到 day 2

我地滿心歡喜咁, 諗住一早起身, 0係威尼斯再遊多兩遊,

就搭飛機, 飛去倫敦

呢日原先真係超超超開心0架

我地 plan 好左, 亦都買好晒門票, 
呢晚會去睇阿仙奴0既賽事

可惜.....可惜.....好景不常

黑開有條路0既我倆, 竟然遇上機場罷工

班機 delay delay 再 delay .....

後黎, 地勤小姐又同我地講, 會安排我地去另一個機場上機
當我以為, 幸福, 好運臨到我身邊之際
原來又發現, 另一個機場, 係要坐成兩個鐘車先到
你知嘛.....我當場幾想好似0的強國人咁, 一拳伸埋去個地勤度呀....
好采, 我睇得新聞多, 知道一拳窩左過去之後, 航空公司會報警
最後, 我梗係唔會刁香港人假啦....

 結果...... 我地由11:00等等等, 
等到 17:30都仲係0係意大利....
呢獲野, 真係睇唔到場賽事事少, 攪到嘈交收場事大呀嘛



好, 去相

呢幾日, 我地 jet lag 得好嚴重
朝朝當地時間 5:00 , 就自動彈起身

見時間尚早, 決定出去行一陣

好鐘意好鐘意呢個叫嘆息橋0既地方
望落去好似好普通0既一座小橋
但背後個傳說, 個故事卻係非常咁浪漫........

由於 day 1 花左好多時間0係七彩小島

所以, 有好幾個景點去唔切

幸好, 朝早可以出黎遊兩遊

不過船費都真係幾貴
可以的話, 大家盡量一日玩晒整個威尼斯
用盡0的0個個 1 day pass

0係歐洲呢8日, 其實我自己最鐘意都係威尼斯呢個小鎮

呢度0既每一個角落, 都係咁有特式, 咁值得讓人懷念0架

呵, 好可愛0既晨運雀哦

威尼斯連街燈都浪漫過人

話實呀, 我真係好欣賞佢地0既建築物

宏偉得黎, 亦好仔細

所有雕塑都好靚, 真係好難相信係人手雕出黎0架

好可惜!!!! 以為可以入去聖馬可大教堂參觀下.....

點知, 太早啦, 人地未開.....

唯有影張相, 當自己去過啦

見到嘛, 成條行都係白鴿呀

歐洲真係多雀仔多到不得了

咁多日以黎, 都同佢地近距離接觸, 而家諗番, 都有0的驚呀...

遊左一個鐘, 又要立即趕去機場啦

去到機場, 已經覺得有0的古怪

點解排晒大隊, 條龍又唔郁0既.....

現場水洩不通, 非常咁混亂

雖然delay, 攪到好麻煩, 不過算啦, 都係一個好有趣0既經歷

仲記得當其時, 大家都唔知上邊架巴士去另一個機場

一有巴士行埋黎, 個個就問長問短,

唔識聽意大利文0既我地, 既心慌又腳震

好采, 有位意大利哥哥一直對我地不離不棄, 替我地翻譯

又話我地知應該點做.......成為半日0既患難之交 

真係好不容易, 先黎到英國

唉....點知, 一去到英國就嘈交喇

事緣去到英國, 我地兵分兩路

一個買上網咭, 一個買車票出市區

點知, 賣電話咭0既店員, 攪左好耐, 都攪唔掂, 電話一直都上唔到網

我知道如果miss左班車, 又要等多半個鐘先會有車

當時, 已經係7:00, 我地場波係睇 7:45

於是, 我一意孤行, 唔理部電話掂唔掂就跳左上火車

點知, 鴻仔好激氣

因為上唔到網, 就用唔到 google maps

 用唔到 google maps, 我地就搵唔到酒店, 攞唔到球賽0既門票

然後, 又會唔識路去球場

而結果, 我地真的迷路了....

花左好多時間, 先去到酒店

攪到上唔到網, 鴻仔已經夠勞氣0架喇

點知, 上到地鐵, 我又衰左喇, 又惹怒了鴻仔喇......

事緣我好心急, 因為上半場都完左喇, 我地距離阿仙奴球場仲有好大段距離

地鐵轉線時, 我冇睇清楚條線, 就跳左上車

結果, 向左反方向行, 攪到遲上加遲, 鴻仔當場立即黑面

真係好好好不容易, 先到逹球場

我地入場時, 阿仙奴已經 2:0 羸梗馬賽

好多人都開始離場喇.....

我諗, 夾埋加時, 我地只係睇左20分鐘左右咋

不過, 已夠我地開心大半晚喇

我終於明白個廣告, 明白點解佢話, 此刻無價

因為, 0係英國睇球賽

真係好好好有氣氛架, 佢地真的會一齊唱歌, 一齊跳舞咁支持自己0既球隊

只要有小小0既一個攻門, 

個個都會變得好緊張咁企起左身, 然後再肉緊地大叫.....

睇完球賽, 我地就和好如初喇

仲周圍行, 周圍影一餐添

呵, 呢個雲格好後生, 好靚仔哦.....

哈, 我身後唔係監倉

而係入口.....

守衛幾咁深嚴呢.....

呢個酋長球場說實的

真係又大又靚, 聞名不如見面

呵, 鴻仔鴻仔童年偶像-亨利耶......

亨利與鴻仔

哈, 真係好好好開心呀

最後, 我地仲買左好幾樣阿仙奴紀念品走人添

酋長球場..... 我地一定會再來的......

day 2 完

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!