12.15

其實寫旅遊 BLOG 呢, 我真係比較鐘意一氣呵成0架
不過, 今次真係唔得
因為.....12.15.....

係鴻仔 + Gill 仔0既結婚紀念日
今次真係不得不斬欖....
不得不先寫呢篇紀念日 BLOG 先, 哈哈

唔經唔覺

結婚已經五年喇

呢五年黎, 真係有血有淚

我0地0既感情

其實一直都好好

以前, 從來從來都唔會嘈交

鴻仔好錫gill仔

gill仔亦都好錫鴻仔

不過, 自從有左小朋友之後

我地, 就開始經常嘈交

有時更加會各不相讓

我偶爾會好睇唔開, 感到好沮喪

說實的, 嘈交亦讓我私下喊過好幾次

幸好

痛愛我0既你, 每一次嘈交後

都會攪下笑, 氹番我歡喜

雖然, 這五年來, 間中會讓我感到好傷心

但確實的, 我們家笑多於淚

我感到好幸福哦.....

感激五年來, 你與我風雨同路

咁又一年喇

今年, 你好忙,  甚至忙到連一齊食餐飯, 你都做唔到

不過, 唔梗要啦, 我明白0架

我地之間, 係唔需要門面野0既
而且, 今晚, 我有兩個小男人陪住我
呵, 我不知幾咁 HAPPY.....
你放心工作吧!!!

Happy anniversary!!!!


好, 去相
睇下我點同我0個兩個小情人渡過結婚紀念日吧!!!


冇左鴻仔一齊渡紀念日
我地三個一樣食得訓得又疴得

哈, 細佬豬大喇

而家每晚食飯時, 已經曉自動波祈禱!

雖然今晚, 爸爸唔能同我地共赴晚餐
但係, 為左讓爸爸感受到小許０既溫暖
我為佢煮左佢最最最心愛0既花膠
希望, 佢會甜到入心啦..... 哈哈

今晚我地好豐富呀
除左花膠，仲有魚

講起魚

四歲0既哥哥, 仲係未識 lur 骨呀

睇下佢幾咁核突！！！幾咁嘔心！！！

雖然, 佢仲未學識

不過呢樣, 我又唔急0既

我記得自己都去到好大個先識得 lur

哥哥除左個樣似爸爸之外
喜好同爸爸都好相似
一樣都係花膠迷

至於細佬呢

就完全唔一樣喇

我有小小懷疑, 我總覺得佢前世應該係一隻牛黎0架

陀住佢0個陣, 我已經 feel 到佢勁愛吃草0架喇

點知, 出到黎都係

晚晚都要食大量0既草, 草同埋草先肯收手

睇下, 咁就0趙左半兜草喇, 幾誇張.....

睇完呢張相之後

我又突然發現, 呢兩兄弟, 其實真係好唔一樣

哥哥總係會將佢覺得最好味0既野食, 留番最尾先食

而細佬呢, 一開始, 就會食晒佢最心愛0既野先

最近, 哥哥食飯食得好格衰

食得愈來愈慢

試過有一次, 食左成個鐘, 激到我飛天

食下又玩下咁, 完全唔知想點

唉...... 好慚愧.....

EQ 唔高0既我, 有次仲因為佢食得慢而行使暴力添.....

都唔知佢幾時先肯長進......

講完阿哥, 又講下細佬先

細佬呢隻牛..... 只鐘情於草草草草草

叫佢食花膠, 好似叫佢食屎咁

吐都吐唔切咁款..... 真係好鬼唔識食0架......

其實細佬呢個壞習慣真係好鬼衰

一唔鐘意食, 就嘔番出黎

咁鬼細個人仔, 就揀飲擇食.....

話佢, 佢就淨係識得笑

面皮廿呎咁厚

不過, 算喇

其實佢算進步左好多好多0架喇

三, 四個月前, 條友一唔鐘意, 直情推開我, 話唔食就唔食

而家, 起碼肯食到個碗冇為此

唉, 唯有同自己講，慢慢教喇

我好希望，有一日

哥哥能夠一分鐘鯨吞整碟飯，唔駛我勞力

然後，細佬就唔再揀飲擇食，會連碟都食埋

呵。。。。唔知願望會唔會成真呢。。。。

０係呢篇ｂｌｏｇ完之前

好想大家為我打打氣，給我一個讚

動作好簡單，ｃｌｉｃｋ下面條　ｌｉｎｋ

再按開始，就會見到我篇文章－ＧＩＬＬＩＡＮ　ＫＷＯＫ

入到裡面，按一下投票就可以啦

https://www.facebook.com/AIAHongKong?sk=app_591782524222095&app_data

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!