二人世界在童話小鎮 Lavenham - day 4

Hello 又係我, gill 仔呀

由於倫敦想去0既地方

0係 Day 3 0個日已經去齊晒

所以去到 day 4, 我地決定去離開倫敦市

去一個特式童話小鎮 - Lavenham

0係網上面, 關於小鎮 Lavenham 0既資訊並唔多

其實都掙扎過, 唔知應唔應該去呢個地方.....

因為Lavenham實在有小小遠

由倫敦坐車去, 來回要成6個鐘咁滯

再者...... 當中轉車都要轉成三,四次

感覺真係有小小難搞

不過, 我實在太太太迷戀歐洲式的童話小鎮

而且, 之前0係另一個blog度見識過 Lavenham

真係深深俾佢吸引住, 所以, 就算幾咁艱辛

都決定要排除萬難咁去 Lavenham!!!!!

好, 去相

嘩, 真係一波三折

我地首先要去 London Liverpool 坐火車

展開3小時去程之旅

哈, 好采, 沿路都有靚靚風景睇下, 咁都冇咁悶

終於, 我地到左 Sudbury

呢個地方, 真係好鄉村地方呀

周圍都係老人家, 想搵過後生仔都冇

同倫敦市中心,真係好唔一樣

呢個小教堂係呢度0既地標

其實Sudbury, 我地只不過係路過0架咋

一陣, 仲要坐半個鐘巴士, 先可以到逹目的地呢

0係 Sudbury遇上當地0既街市

我立即師拉仔上身, 好想買餸添

嘩....真係嚇死人呀.....

0個邊0的人又會咁賣豬豬, 雞肉0既.....

遇上 HSBC 耶!!!!

感覺真係好似遇上同鄉一樣.....好好好親切哦.....

路過, 見到地產公司

鴻仔不禁瞄一瞄

原來, 當地0既樓, 一0的都唔貴

HKD 200萬鬆0的, 就有楝喇....

我都好想移民呀.....

0係 Sudbury 遊完一小陣

再坐個巴士, 就黎到我地0既目的地喇

YEAH.......

有冇發覺呢度0的樓有乜野特別呢????

睇相可能唔係好覺......

呢度0既房子, 全部都歪歪斜斜架

無論窗, 門, 以至整坐房子都是歪歪歪歪的

Lavenham 是英國一個中古世紀已形成0既小鎮, 當時, 蓋房子的木材是有點潮濕的橡木

所以日子一久, 便開始歪斜起來了

哈, feel 唔 feel 到有幾斜呢

真係好得意呀......

好鐘意佢呢度0的屋

同威尼斯一樣, 五顏六色的

讓人睇到, 都感到心花怒放哦......

不過呢度0既冬天來得很冷哦

行了不一會, 我們已經有小小頂唔順0既感覺了.....

Lavenham 以前曾經係一個好繁華0既小鎮

15世紀時, 因為盛產羊毛, 製作出來的稀有布料, 風靡整個歐洲

1524年, 還成為英國排行十四富有的小鎮

不過, 到了16世紀, 荷蘭移民的鄰村 Flemish 出產的羊毛更便宜, 

從此這個小鎮就沒落了.....

  

而家呢度, 再唔似以前咁繁華喇

周圍都鳥無人煙

寫到呢度, gill仔睡魔急call,

由我鴻仔繼續寫落去!!!

好攪笑!!! D樹生成咁!!! 彷彿小屋會生鬍鬚!!!

可能大家會認為小鎮Lavenham不及大笨鐘同london bidege咁宏偉!

但呢度帶比我地的小鎮風味, 喺city比唔到我地!!! 入左童話世界一樣!!!

駛唔駛歪得咁誇張!!!

始終離city較遠, 遊客都唔多個, 真係任影都無人阻你!

如果想揾tourist information, 小鎮都有提供centre!!!

tourist information centre 仲介紹左我地去一個地方.........
在場職員介紹左我地一個必去的地方!!!

等陣我就會介紹必去的景點

由於天氣太涷, 我同gill仔講"頂唔順啦.....入去cafe取下暖先!!!"

暖下手都舒服好多!!!

喺英國幾日, 成日都要食飽, 食pie, 食油炸嘢.......來來去去都係呢D嘢......
其實我寧願返意大利日日pizza同pasta......
都唔想油炸嘢同飽!!!

好啦.....食飽飽又可以上路.....

去尋找一個很值得去的地方!!!

提外話: gill仔成日都問我"點解成日都要影到個人咁細粒!!!"
我成日都話"我要將你溶入呢個環境入面, 你唔明架啦!!!"
結果我有我繼續溶gill仔入張圖入面, 佢有佢繼續問我點解咁細粒!!!

講番正題, tourist information centre仲話有一個場景連Harry Potter都曾經喺度拍過戲!!!

可惜我地揾唔到

我地就跟住google map去尋找一個centre推介我地必去的景點!!!
沿路一步一步咁行,
仲比我地偶遇滿地黃葉, 好有詩意, 好襯等陣要去的地方!

沿路風景靚就靚啦.....
點解.....
越行越唔對路.....
越行越荒蕪.........
越行越少人.........
越行越陰深恐怖!!!
仲有陣怪風吹過唻!!!
唔緊要唔緊要......睇google map仲有兩分鐘就到!!!

行到門口忍唔住影番張相先....
要我地"嚇餐濛"先唻到....
我探頭一望"嘩.........全部都係墓碑......好多啊......快D走啦!!!"
gill仔"仲唔急腳走!!!"
我"走啊!!!!!!!"

行番出大街, 心都定番晒!!!

我地呢個又童話又驚險的小鎮之旅就咁完結!!!

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!