二人世界威尼斯-Day1

大家好, 我係鴻仔!!!

fanfares推出$50機票, 

作為fanfares的超級大fans---gill仔,

又點會錯過呢個大好機會!!!

佢二話不說就買左米蘭機票!!!

只有十二日左右準備酒店同行程,

非常趕急!!!

嗱嗱聲就問一問身邊親友問下意大利有咩好玩???

換來的答案唔係話你知意大利有幾好玩

而係話你知意大利治安有幾差有幾多人偷嘢!!!

下......恐慌中!!!

唔理咁多, 小心為上, 出發!!!

但先恐慌十三個幾鐘漫長機程

由米蘭機場malpensa(mxp)到milano centrale(米蘭中央站)可選搭火車或者巴士!!

而我地要去的第一站就係威尼斯!

我地就由米蘭中央站搭兩個半鐘火車入威尼斯!

搭火車期間有一位意大利人同我地吹吹水,

這位意大利老人話"威尼斯係一個fantastic的地方!!!"

威尼斯總有一種好浪漫的感覺!!!
唔知我係唔係時運特別低, 成日都見到通街有人接吻!!!
當有人接吻配合這種環境, 好浪漫!!!
我都想埋怨下gill仔當時點解唔強吻我!!! 等我浪漫下!!!哈哈

其實威尼斯所有景點基本上都可以搭水上巴士去到

而我地要去的第一個景點就係burano, 
但係我地竟然落錯船, 落早左一個站去左一個方圓數百里都無人的小島--mazzorbo

沿路行咁耐都未曾見過一個人

任我地點玩點影點叫都得!!! yeah........

到逹burano, 我已經被七彩繽紛顏色的小屋深深吸引住!!!
童話世界一樣!

相傳以前無咁多街燈, 入黑之後就"黑媽媽", 為左方便認番自己間屋, 
所以就油到不同的顏色方便返屋企!!!

世界上那麼多美麗島嶼, 這種忘不了的色彩真的很獨特!!!

島上有好多遊客唻朝聖

土產蕾絲在島上都好出名

對於我呢一個鐘意影相的人士, 簡直要大呼一流!!!

出番威尼斯中心

憲法橋--ponte di rialto
曾經是大運河上唯一的橋樑
1591年完成, 有成幾百年歷史!!!
而莎士比亞的名劇"威尼斯商人"就以這裡做背景!!!

大運河--canal grande

大運河是威尼斯主要水道

貢多拉係威尼斯的象徵, 
又有故講, 
相傳一對情人坐住貢多拉喺歎息橋下接吻, 
就可以天長地久!!!
點解威尼斯總係咁浪漫!!!

太早入黑了, 四點幾就開始影到magic moment!!!
聖馬可廣埸 piazza S.Marco是威尼斯最熱鬧, 最繁華的地方
1499年落成, 已經有500年歷史!
曾經被拿破崙稱為"歐洲最美麗的客廳"
當時我地去到見到聖馬可廣埸, 都被這種宏偉氣勢的建築物深深吸引!

聖馬可大教堂 Basilica di S.Marco
是中世紀曾是歐洲規模最大的教堂!
同時聖馬可是威尼斯的守護神!!!

 day1完

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!