呵, 今日GILL家又去左威喇.....
我地一行8人, 四大四細, 一齊去左維園行花市呢....
嘩, 真係超多野睇, 超好玩0既一個花市
雖然, 拖兒帶女, 只能淺遊維園, 但說實的, 我已經好滿足啦....
你知嘛, 而家湊住兩個仔, 日日都好似被囚禁一樣
偶爾, 能夠出去吸收一下外面0既靈氣
我直頭身心舒泰, 以為自己走入左童話世界....
雖然今次行動有埋爸爸出馬
四個大人, 四個細路, 可以採取人丁人戰術
但係, 原來一切並唔係想像中0既咁簡單架
0的細路仔出到去, 有得玩, 就顛喪起黎架喇
又跑又跳, 忽然又會0係人堆中消失
簡直係嚇到你鼻哥LON 都冇鼻屎呀.....
全程大人都暈得一陣陣
離開維園時, 唔好話半條人命, 我諗...連四份之一0既人命都冇埋...
呢獲野, 簡直係草菅人命......
好, 無謂野唔講
去相去相
今年未到馬年, 已經行運一條龍喇
一入到去之嘛, 就撞到另一位BLOGGER MAMA - CARISSA 0係樹擺檔啦
佢仲送左一個巴斯氣球俾朗朗添, 真係多謝多謝呀!!!
話說, 尋日0係學校行花市時
朗朗呢個小小購物狂, 0係無媽媽0既監管下, 買左好多無謂野番黎
有見及此, 我老早就同哥哥講好左
今日行花市只會齋行唔買
點知, 同行0既以恒,以立就鐵定左會買波波....
一聽到自己個 FRIEND 話會買波咋, 哥哥即刻眼厲厲啦, 苦苦哀求我買佢一個小氣球喇
講真啦, 講好左0既野
我又唔想破壞規矩, 所以, 我一口就拒絕左朗朗
見佢咁失落, 其實我都有半刻鐘0既心軟
幸好遇上 CARISSA
佢0既呢個小小0既氣球
讓我唔需要破壞我0既規矩之餘, 哥哥亦都玩得好盡興
見到以恒朗朗一人一個波
開開心心咁0係人羣之中跑黎跑去
我又忍唔住, 想再一次多謝 CARISSA 啦..... 真係些些, 些些.....
呵, 真係超超超開心呢....
今日維園人真係好多
所以強行迫細佬坐車
好采佢都好合作, 並沒有扭落地地
行行下, 仲無端端訓左添....
見佢訓左, 即刻食番個糖蔥餅....
呵呵, 細佬唔會用我爭....
今年花市, 我覺得驚喜唔大
周街都係 BB 恩物 - 氣球
呢0的舊年都見過啦, 冇乜特別....
最攪鬼係呢檔0架喇
我諗, 好多人都會忍唔住同路姆西潮聖囉....
哈, 仲免費派發路姆西手作紙
真係笑屎人啦....
呢檔仲好笑
搵特首抺POO POO.....
雖然今日行程係咁辛苦
細路仔又好失控
但無經無險, 又玩左大半日...確實, 都好歡欣....
爸爸, 阿仔今日雖然好皮, 讓你好勞氣....
而你亦話明, 下年唔會再同佢地行花市
呵, 但, 諗真0的..... 難道一齊出去玩, 你唔開心咩???
給多點點包容啦, 我地下年再戰過花市吧!!!哈哈
HEHEEE....
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度.....
同我地做個朋友仔啦!!!!
沒有留言:
發佈留言