gill 家生活小點滴

最近真係超級勁懶

再沒有好似以前咁, 日日有 Blog 出喇

有時, 可能因為自己懶啦

有時, 又可能生活迫人, 沒有多餘0既時間啦

有時, 又因為掛住上網, 想睇下其他資訊咁啦

哈, 最近仲迷上左睇葉朗程添....

結果, 忙上加忙, 懶於寫Blog

其實, 我都唔想荒廢個Blog架

戀仔成狂0既我, 真係好鐘意睇番阿仔'S 0既生活事

呵, 我真係好變態架, 每隔幾日, 就會心癢癢, 

然後忍唔住, 要回顧番自己0的舊Blog 架啦

所以, 真係好慶幸自己當年開左呢個Blog, 寫上自己生活上0既一點一滴

黎梗呢個星期, 我會努力努力

會繼續寫番好小小個blog
希望自己能夠講得出, 做得到喇

哈, 又講下最近0既生活事先

最近其實都好忙
忙著湊哥哥番學放學, 亦忙於訓練細佬豬
今年考N班大失敗之後, 我痛定思痛
覺得再唔能夠冷待細佬豬喇
我驚再咁落去, 細佬佢K班都未必能夠考到間好學校呀
你知嘛, 做龍B 0既媽媽, 真係唔容易.....壓力真係有0的大......

另外, 除左忙湊自己對仔之外
我最近, 其實都唔係最近架喇
仲要湊多隻仔添
哈哈.... 自身難保, 仲要幫人湊仔..... 
連我自己, 都覺得自己好堅挺耶.....
不過, 呢個仔好乖0既, 亦都好好湊
咁朗朗亦視佢為知己良朋
我覺得, 幫到人, 自己都好開心
所以, 而家定期, 一個星期都會湊 Jethro 一至兩日

湊三個, 真係好忙
相都影小左好多, 所以希望蚊姐姐高枱貴手
唔好怨我小相喇, 哈哈.....

好, 去相
某日我地落街散步

呢日, 好把炮, 我地又冇帶bb車

決定要同細佬豬行落 plaza

我剪左頭髮呀.....係咪同原先0既差唔多呢.....

唉..... 早知唔剪好過剪.....

其實, 如果唔離開屋企呢區

我覺得唔帶bb車係ok 0架

呢邊冇乜車, 又唔多人, 勁啱俾小朋友亂走亂跑呀....

 

早幾日, 出左元朗一趟, 嘩.....人多車多

真係點敢俾細佬仔落地行呀.....

最後決定, 0係原區可以減少用車, 出市區真係一定要一車旁身

我地最愛hiking
一齊扮飛機, 周山走

開心就係咁簡單

半路中途, 我地遇上了小狗, 一家混路走

你知嘛, 一家四口, 得我一個唔驚狗咋

我成日都覺得鴻仔好搞笑....牛高馬大....

細個0個陣, 都只不過係俾狗追過之嘛, 又唔係俾狗咬過

都唔明何解要咁驚狗.....

仲要次次都身教阿仔, 終於, 阿仔0係佢教育底下

都成為怕狗一族喇..... 激屎.....

真係估唔到, 平時膽生毛0既細佬
居然都會受驚過度

抱左佢幾耐, 氹左佢幾耐

佢先化喊為笑咋....

所以, 你話呢....

身教幾咁梗要.....

我0的仔, 就係0係咁0既環境下成長

變得怕狗, 怕蜜蜂, 怕蝴蝶, 怕昆蟲

總之, 爸爸驚乜, 佢地都驚乜.....

幸好, 鴻仔從來都唔怕老婆....

所以, 阿仔都未識得驚我住.....

呵, 無驚無險

細佬到逹終點

黎梗,  希望細佬愈行愈好

好期待有一日, 細佬可以擺脫bb車, yeah!!!

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!