怕醜仔朗朗

0個頭先至話要努力寫BLOG

到左第二日之嘛....就做左懶惰豬啦.....

呢期成日都陪訓陪到自己都訓埋, 成日都醒唔到, 寫唔到BLOG呢

好, 入正題

講下我家有個怕醜仔先

其實一路以黎

我都唔覺得朗朗係咁靜局, 咁自閉0架

記得, 佢由細到大, 最鐘意就係跑黎跑去冇時停

去到番兩歲班時

班主任同我講, 佢好文靜, 唔多出聲

當時, 我心諗..... 條友扮野??????

讀左一年喇

今年見家長時, 老師仍然同內向黎形容佢

講真.... 我真係唔多信....

因為佢0係我地面前, 真係由朝嘈到晚

同0的朋友仔一齊玩時, 亦都玩得好開心咁款0架

點會內向呢????

直到上個星期六, 日

我地連出兩日街

我先發現, 原來佢去到一0的陌生環境, 見到0的陌生人時

真係會靜到嚇死你......

你知嗎, 星期六, 去到羡琳家

朗朗一整日, 居然講唔夠十句說話, 仲要全程痴到我實一實

除左唔講野..... 條友仲要笑都唔笑下

好似自閉一樣.....

嘩, 真係嚇死我.....
真係有小小擔心呀
點解佢會變得咁內向, 咁怕醜架.....


好,  去相
睇下當日我一揪二勇闖寶琳


真係史上第一次, 以一敵二去遠行
諗番起, 都覺得自己勇猛得滯......

其實我都有小小驚架

因為將軍澳0個邊對我地黎講真係遠到冇朋友

坐車過去, 來回差唔多要成4個鐘

鴻仔不斷同我講, 去台灣都唔駛坐咁耐

仲勸我及早回頭是岸.....

當日, 細佬豬情緒仲要好鬼差

一路都扭住計添

後黎, 扭得滯, 有小小攪唔掂

終於, 要出動面包啦....

其實坐車時

正值係魚仔, 朗朗0既午睡時段

我都估佢地會訓0架喇

所以一上車, 就立即出動支奶奶

意圖灌佢地入睡

果然不出我所料

呢支迷暈奶, 好快就令哥哥暈得一陣陣啦

YEAH, 先冧一件

嘩, 你知嘛, 坐長途車

暈左一件, 真係一個小小0既恩賜黎0架喇....

出乎意料之外

細佬竟然生勾勾咁唔肯訓喎.....

都咪以為一個魚仔好易應付

佢一直都擒高又擒低

間中又大叫大笑, 嘈到冇朋友

攪左好耐, 差不多到之際

條友先肯暈低

成件事都不知幾驚險

哥哥居然訓足全程都冇醒0既跡象

一個人, 點帶兩個爛訓B落車喎

最後, 我冒住生命危險, 將哥哥叫醒

嘩..... 又好采喎, 哥哥居然好易話為, 話醒就醒冇扭計

仲要好到幫手開BB車添

終於, 終於到逹終點站

咪睇哥哥好似笑容滿面

查實, 佢肯笑住影相, 都不過係交功課咋

羡琳媽媽都不禁問我
朗朗係咪唔識講野架?????

反而細佬豬就好好多喎

不斷跑入個籃球架度自high.....

玩得好顛喪

 主場0既羡琳超活潑
一直都載歌載舞

呵, 終於等到 Kimmy 姐姐黎到喇

yeah, Kimmy 姐姐自家出品0既古古力包, 超好味耶!

有 Kimmy 姐姐0係度

哥哥個心定番些些些少, 不過仲係非常咁呆滯....

呵, 羡琳媽咪快要生啦

真係恭喜恭喜

bb快0的快0的出世喇

我好期待哦.... 

下次見面, 我諗就係BB出世之時喇

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!