gill 家平安夜 2013

踏入新0既一年

居然病鬼左添...真係陰公豬呀...

而家一家四口, 得鴻仔一個好番晒咋....

佢就好喇, 將個病傳染左俾我地三小口, 就拍拍囉尤, 冇病冇痛

唉.....而家希望對仔快小小好番喇

如果唔係, 唔夠訓0既我, 睇怕都好難完全痊癒啦.....

好, 又要努力寫番聖誕BLOG喇

呢個聖誕真係好充實, 好開心

日日都玩玩同埋玩....幸福幸福.....

先由24/12寫起

呢一日, 原先係約左以恒一家去睇恐龍展0架

不過, 臨出發前, 以恒不幸發燒呀

於是, 我地便變成無主孤魂, 冇地方去喇

不過, 唔梗要喇

咁鬼凍天時, 留0係屋企躲躲懶亦是人生一大快事

好, 去相

沒有節目都唔係好有所謂0既

有兩隻仔+一條佬陪我過24號, 已經夠開心啦

下午, 我地散步落街, 順便吃過午飯

呢日可能都有小小凍, 哥哥包到成隻糉咁

哈.....件衫大到不得了....

大家明白乜野叫做伸手不見五指嘛????

呢期哥哥極度迷戀爸爸

我諗, 仔就係咁0架喇, 大大下, 就會 LIKE 爆個爸爸

呵, 見到佢地咁溫馨

唔再鬧大交咁, 我已經覺得好好啦

你都唔知, 有幾日, 因為阿仔嘈住爸爸訓覺

屋企差小小咋, 就嚷成血案喇.....

後黎, 哥哥捉左爸爸行小路

(佢好鐘意行呢條小路扮 hiking 架)

見佢地玩左咁鬼耐, 都未同我地會合

我於是帶埋細佬去千里尋親

0係小草地玩左好一陣

發現滿地松果

覺得好靚

於是, 忽發奇想

決定執番十個八個, 番屋企佈置我地0個棵梅到爆晒燈0既聖誕樹

我一話要用黎佈置棵聖誕樹咋

兩兄弟立即一呼百應喇 

兩隻野通山跑, 執完一個又一個

最後, 梗係滿載而歸啦!!!

玩完一輪, 懶蟲哥哥同細佬爭車坐

細佬份人又冇乜所謂0既

佢都好鐘意敬老0架

我諗, 如果鴻仔問佢借部 bb 車黎坐, 佢都唔會介意......

飯後, 我地小遊 plaza

發現超可愛0既聖誕狗

好靚好靚0既聖誕花

又要記錄一下

細佬佢似乎好好好鐘意聖誕節

佢每次一經過聖誕樹就會好開心, 爆雀躍架喇

不過, 又有邊個唔鐘意呢個放大假0既節日呢.....

呢日我地幾個就係咁行行企企, 食飯兩味

就係咁就渡過左一日喇

番到屋企, 立即將松果放上聖誔樹上面

不過, 就忘記了影相

有左松果0既樹, 真係生色不少

冇咁梅之餘, 仲索左好多添

下年, 我決定要再執多0的果番黎, 整靚棵樹! 正!

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!