一日趕兩場之哥哥見家長

講完下集細佬考 N 班
今日又講下哥哥見家長先!!!

真係好感恩朗朗有位好好0既班主任

同哥哥相處咁耐, 我自以為好了解朗朗

原來, 老師睇到0既朗朗, 卻係我從來都沒有留意到的

咁樣見一見家長, 讓我從新的, 用嶄新0既角度去看待這位小男孩呢!

根據老師所講, 朗朗其實都有好多地方雖要改進的

而最重點改善的, 就係語言能力喇.....

其實一直以黎, 我都知道朗朗語言能力唔係咁好

老師都直言, 佢唔太懂得表逹佢自己

唔會主動問問題, 唔會講出自己0既感受, 

即使肯表逹出黎, 可能亦因為辭彙唔豐富

好多時, 都係一個字起, 兩個字止

另外, 咬字, 發音亦好有問題

可能真係需要言語治療一下添啦

除左語言能力比較差之外

佢畫直線, 畫畫都唔係咁掂檔

其實都估到架喇

因為平時見佢做功課時, 都覺得佢手震震咁

畫出黎0既畫感覺亦好凌亂, 沒有空間感

另外, 老師唔知點解, 佢總係好鐘意油油下顏色, 

要用黑色, 啡色呢0的小朋友唔應該咁常用0既顏色

不過呢個, 我都百惑不解.....真係要問下佢點解.....係咪心有千千結呢.....

雖然, 好似好差咁

但係當然亦有做得好好0既地方喇

老師話佢專注力好強, 而且好錫小朋友

上堂亦都好乖, 好受教, 唔會話麻麻煩煩咁囉

雖然評估出黎, 朗朗0既情況似乎唔係咁好

但我亦唔會話好唔開心0既

小朋友嘛, 總有強項有弱項

積極替佢改善佢當前0既問題咪得囉

黎梗, 真係要花小小時間去教佢講野至得啦

呢個問題, 真係要好好正視....
事關除左老師之外, 早排都有兩三位朋友都問我
朗朗係咪有小小痴脷筋....真係大大獲.....

要加油加油呀!!!!

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!