GILL 家的聖誕節 12.26

之前都講過喇, 我地0既鴻爸爸, 年年聖誕節都總係要忙工事

每一年, 去到呢個咁喜慶0既節日

我地..... 都係唔能夠一家團聚0架....

年年都只有孤拎拎咁渡過, 真係慘慘慘呀....

我仲依稀記得, 朗朗出世第一年0既聖誕

0個時, 真係好慘呀 

或者應該咁講.....其實並唔係0個年0既聖誕好慘

而係, 朗朗出世0既第一年, 

因為生活上有著很大0既變遷, 我成日都覺得自己好慘 (我遲下再同大家分享)

我仲記得, 0個個聖誕

我只有一日係有節目, 只有一日, 係有朋友到訪

非常咁孤伶伶, 涼冰冰
我明明覺得, 聖誕係應該要喜氣洋洋

應該要同最好0既朋友, 最愛0既家人一齊快快樂樂咁渡過0架嘛

結果, 我卻日日都獨守空房, 一個人0係屋企呆坐

我當時值情好抑鬱咁諗.......點解我咁可憐豬......

點解.....聖誕只係得番我一個....
點解我老公唔理我.....點解, 我有老公就好似等於冇老公

當年, 真係好儍......成日都諗埋一邊, 成日都困住自己

老實講, 我一度懷疑自己係有產後抑鬱架....
不過事後諗番, 其實我知道, 呢種種0既壞心情
絕對唔係老公對我唔好
只係, 我習慣唔到要做一個全職媽媽
我習慣唔到冇工作, 習慣唔到日日困0係屋企

唔開心0既日子, 好快就過去左喇

而家, 雖然鴻仔仲係唔能夠同我一齊歡渡聖誕

但係, 我再冇為此感到難過, 或者唔開心

我反而, 會為自己安排好多好多節目

會讓自己0既生活, 變得更有色彩

今年.....超開心呢.....

0係12.26, 爸爸居然可以早收
後 JOIN 我地個 PARTY
多謝老公你0既參與,
說實的, 我都好希望對仔, 能夠0係呢個咁開心0既節日
同爸爸一齊渡過
有爸爸你一齊歡渡聖誕, 我地三小口非常咁感動

好, 去相


未開 PARTY, 先收禮物
開心開心

呢日我家有個小小0既自家PARTY

邀請左我最愛0既朋友 - 契姐同 Kimmy 姐姐

未開 party 先收大禮
yeah, 開心開心



真攪鬼, 哥哥唔知點解
突然自己摷番件胡廸衫出黎贈慶

然後逼迫 EDDIE 哥哥同佢影相

我都睇到OOOOO 晒咀

呵, 我0既兩個小寶貝

WOW 

又係時候交換禮物喇

呵, 鴻仔抽到契姐買0既大奬耶

至於Kimmy 姐姐呢, 就抽中左 EDDIE 哥哥0個份

 呵, 有禮物, 人人都開心

超攪笑, 原來契姐買0既係一盒公仔面呢

呢度夠我食幾年啦.....

Kimmy 姐姐都幾好命呀

至少唔係抽中我同鴻仔0個份騎呢怪野嘛

呵呵

超不幸的契姐

抽中了無無謂謂的大鼻哥精品

(唔梗要喇, 呢劇野唔啱駛, 我地用10個公仔面同你交換番啦!!!

鴻仔佢真係好鐘意呢個鼻呀.....)

而 EDDIE 哥哥更想殺人

屎.... 都抽得中

YEAH

我有大大盒朱古力

EDDIE 哥哥抽中屎無耐

細佬即刻谷屎俾佢睇

你知嘛, 我地一路都以為舊假屎傳出真屎味

以為而家0的精品, 造得咁仔細, 有埋咁逼真0既臭味

原來, 0的POO味係由細佬豬傳出黎架....哈哈

YEAH

今晚十級興奮

我地海鮮餐, 拾下拾下

開餐前影大合照

鴻仔, 我真係好開心有你一齊歡渡聖誕哦

我地個 PARTY 雖然人小小

但全部都係我最愛0既人

 有你地, 我好幸福哦

我最愛0既朋友

你地知嘛, 有左朗朗0既第一個聖誕節

全靠你地陪住我, 我先感覺無咁孤寂咋

願年年你地都會0係我隔離

同我一齊去賀聖誕節啦

 HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!