鴻仔生日大快樂

12.17
係我地家鴻爸爸0既生日
今年, 真係好幸運呀
雖然工作上係咁忙碌, 人手方面, 係非常咁短缺...
但係二嬸仍然能夠安排一日假期俾爸爸
呵, 真係超幸福哦.....

爸爸0既生日
我地並沒有刻意安排節目
哈..... 幾十歲人, 唔通, 仲要我帶佢去 Mickey 度食自助餐咩
我地只有簡簡單單
留0係屋企切蛋糕, 打邊爐

好, 去相

Oh No....
未切蛋糕, 先有人扭大計

條友仔蠟燭都未點, 生日歌都未唱

就將蛋糕分屍......

偷食完又唔識抺番個咀, 你話....點可以唔好好咁教訓佢一餐呀!!!

爸爸, 祝你生日大快樂

祝你年年都好似阿倫咁.....得25歲, 卜卜脆.....哇哈哈

有蛋糕食就唔曉扭計的人

4歲人喇, 仲食到成隻污咀狗咁

真係好難頂哦.....

細佬豬係士多啤梨狂迷

狂隊左6大粒, 勁勁

切完蛋糕, 我地再食過!!!

yeah, 呢個就係gill仔自家0既蕃茄湯底

亮點係..... 完全feel 唔到個湯底係有蕃茄味囉....哈哈

呢個為食細佬豬, 見到成枱野食咋

已經按奈唔住, 狂扭食啦......

打住邊爐帶冷帽......

自己睇番都覺得騎呢.....

超開心, 牛魔王遇到大肥牛

好鐘意打邊爐, 碌面食

今晚決定拆左呢包二嬏送0既沖繩手信.....正!!!

識食朗豬大愛沖繩面

以前成日驚佢食太長0既面會芹親

原來不知不覺間, 佢成長喇

已經能夠處理呢0的小事情, 所以話, 小朋友真係大得好好好快

而家食面, 仲會整色整水

完全唔能夠正正經經架

而我呢, 最近就迷戀住台灣刀削面

真係忍唔住要推介俾大家

刀削面打邊爐真係好一流架

個面會吸晒0既湯0既精華, 超 yummy

呵, 連細佬都大叫 yummy

不過....查實細佬乜都會話 yummy 架

我就牛魔王, 細佬就係大菜蟲

食菜食足一整晚, 依然面不改容

都好0既

好過哥哥啦, 哥哥乃係食肉獸

疴親 poo poo, 塊面都谷到紅卜卜, 醜死鬼.....

食飽0既哥哥, 總係唔能夠安定

一路都古古惑惑, 好似出黎行古惑咁

爸爸

礙於兩隻仔累事, 生日流流, 唔能夠同你出去大魚大肉

不過, 唔梗要喇, 咁樣一家人咁打邊爐, 都幾warm呀

我覺得好滿足哦......

哈, 雖然, 你成日都話, 唔想對住呢兩隻野

但其實, 我 feel 到你係好鐘意佢地0架

祝你同對仔愈來愈 sweet, 愈來愈 friend 啦

我地永遠都咁錫爸爸你0架

  HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!